E mërkurë, 18 nëntor 2026

Rubrikat

Mbështet Limit.al

KEMI NEVOJË TË QESHIM – Nga Hamit ALIAJ – Mjeshtër i Madh

Kemi nevojë të qeshim
nevojë të qeshim
të qeshim,
qeshim
im…

Ndjellazinjtë na e nxinë,
Ndjellakëqinjtë
…këqinjtë
………qinjtë
……………..ë

Kemi nevojë të qeshim,
Qeshni të gjallë,
Edhe ju vdeksa ,qeshni
Vdekja s’ju pranon të paqeshur !

E nëse nuk ju qeshet
Vraponi klinikave estetike ,
Çaraveshni buzët me qeshje silikoni
Në cullakhane lini tirqit,fustanellat,xhinset,minifundet
E dilni rrugëve pa gjethen e fikut të Adamit,poture e këmisha ,jo se jo
Se vetëm dragonjtë
Zoti i ka lindur me këmishë,
Po gjindja duhet të qeshin !

Perënditë janë të mrrolura, zymtane të mëdha janë
Po ato duhet të qeshin që të bëhen të buta me ju,
E qeshja e tyre jeni ju
Edhe po ju ranë dhëmbët duke qeshur prej zorit , edhe
Po dhatë njërën nga shtatë lëkurat tuaja
Për ta bërë tupan e ju të kërceni
Të qeshur, nën ritmet e tupanit me lëkurën tuaj

Derisa qeshja të bëhet virus planetar
E të qeshin edhe varret !

Se Perëndia e Qeshjes mungon :
E vranë perënditë e Hiçit që i ngritët vetë !

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra