E mërkurë, 18 nëntor 2026

Rubrikat

Mbështet Limit.al

KA RA BORË NË TROPOJË – Nga Ramiz LUSHAJ

I thinjur, po më merr malli të lodroj si fëmijë mbi borë,
Si dikur, me kluca me i nxanë tricat me i trohë bukë.
Po peni nyjelidhun i kësaj kohe më ndjek çdo orë,
Vet vitet e jetës e hapat në rrugë më kanë fut në klucë…

Dua të rrëshqas me koritë druri mbi Alpe e hapësirave të globit,
Mbi thinjat e mija çapërpik në letra e në orbitat e kohës.
Pas çdo boheme drejt Tiranës, Johanesburgut e Nju Jorkut.
T’i rikthehem engjëllor e mëkatar, i ri e i mplakur, Tropojës.

Dua të ngjitem mbi kullen time alpine me e çplue prej borës.
Aty lotët e mallit deri në maje të oxhakut kallkin janë tuj ngri’
O, më kanë mbetë vetëm kulla e fëmijëria në fijatje të kohës.
Shpesh rikthehem i thinjur, me mirësi, si Babagjysh i Vitit të Ri.

Dua t’i mbathi rrathët e borës e të fluturoj mbi borën e dimrit alpin.
Të luaj me topa bore në Tropojën hyjnore si dikur kur isha fëmi.
T’ia shkrijë sa të muj ortiqet e politikës që i dalin para në udhëtim.
Të gjuaj me topa akulli ata që vendlindjes m’i bahen zhingaxhi…

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra