E mërkurë, 18 nëntor 2026

Rubrikat

Mbështet Limit.al

Japonezët zhvillojnë vaksinën që e bëjnë njeriun e “pavdekshëm”

Shkencëtarët në Japoni pretendojnë se kanë bërë një hap para sa i përket jetëgjatësisë së njeriut, pas testimit të suksesshëm të vaksinës kundër qelizave që i kontribuojnë plakjes.

Hulumtuesit e Universitetit Juntendo në Tokio, kanë njoftuar se këtë e kanë arritur gjatë hulumtimit laboratorik mbi minjtë, transmeton Telegrafi.

Ata sugjerojnë që kjo vaksinë do të mund të ndikonte pozitivisht në gjendjen shëndetësore dhe të parandalojë procesin e plakjes.

“Mund të presim që vaksina të përdoret kundër aneurizmave, diabetit dhe problemeve tjera shëndetësore që shkaktohen nga plakja”, tha Toru Minamino, profesor në Universitetin Juntendo të Tokios.

Shefi i laboratorit për studimin e kancerit dhe plakjes në Universitetin e Leicesterit, dr. Salvador Macip, theksoi se testet e mëparshme laboratorike në minj kanë treguar se është e mundur të parandalohet përhapja e qelizave të plakjes nga 15 deri në 35 për qind. Megjithatë, ende nuk është përcaktuar se për sa kohë mund të zgjasë kjo jetëgjatësinë.

“Është një çështje shumë interesante për të cilën nuk ka asnjë qëndrim unik. Disa besojnë se ekziston një lloj kufiri sa i përket jetëgjatësisë – supozohet se janë 130 vjet. Por, disa tjerë besojnë se pavdekësia është akoma e mundur”, shtoi Macip.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra