E mërkurë, 18 nëntor 2026

Rubrikat

Mbështet Limit.al

IKU DHE HISTORIANI I NJOHUR, DODË PROGNI

Sot iku dhe historiani i mirënjohur Dodë Prelë Progni i Mërturit. Ai ndrroi jetë në Tiranë nga sëmundje natyrale, jo kovidiane.

Veprimtaria e tij si studiues i historisë së kombit shtrihet në disa dekada jetë nga kohania si mësues dhe, tevona, historian i Muzeut Historik të Tropojës dhe në vitet e pensionimit edhe në Tiranë. Ai është ndër kontributorët e ngritjes së Muzeut Historik të Tropojës dhe të disa muzeve të krahinave në Malësi të Gjakovës, botimin e një libri me bashkautor për vendlindjen e tij, Nikaj-Mërturin; autor i dhjetra shkrimeve studimore në revista e buletine shkencore, në gazeta e revista, në Shqipëri, Kosovë, Maqedoninë e Veriut, Amerikë e Europë.

Historiani Dodë Progni ishte dhe një ndër bashkëpunëtorët e mirë të “Gazeta e Alpeve”, ku shkrimin e fundit në gjallje të tij na e dergoi para tre ditësh për “Man Arif Gjongecaj – inxhinjeri me shpirt krijues dhe intelektual me dije e kulturë të gjërë”, që do ta botojmë, sipas premtimit, në numrin e rradhës, nr. 34 të gazetës.

“Gazeta e Alpeve” i shpreh ngushëllimet e saj për ndarjen nga jeta të historianit të njohur e bashkëpunëtorit të mirë të saj, Dodë Prognit, një nga personalitetet e nderuara të Nikaj-Mërturit, Malësisë së Gjakovës, Qarkut të Kukësit e Rrafshit të Dukagjinit.

Varrimi bëhet nesër ora 13:00 në Varrezat e Sharres. Pritja nga familja në adresën: Rruga “Besim Alla”. Pallati 2T, në  Yzberish të Tiranës, (Bar-Kafe 240).

Nderime jetës e veprimtarisë së tij si mësues, historian, qytetar e atdhetar! I paharruar emri e kujtimi i tij ndër breza e në Letrat Shqipe!

“GAZETA E ALPEVE”

Tiranë, 22 tetor 2020

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra