E mërkurë, 18 nëntor 2026

Rubrikat

Mbështet Limit.al

HINGËLLON NJË KALË KU BASHKOHEN DY DRINAT

Nga Hamit ALIAJ

Hingëllin një kalë ku bashkohen dy Drinat,
Herë gjog i bardhë,herë vraç i zi
Bardhon si Drini i Bardhë,zezon si Drini i Zi

Ah, hingëllimë, e mnershme hingëllimë
Rrënqeth malin me emrin e dridhshëm Pikëllimë !

Është kalë a fantazmë?!

Fantazma janë parë te dalin nga ujrat,
Fantazma janë parë të zbresin nga mali,
Po kurrë s’është degjuar për një fantazmë kali !

Fantazmë kali,nga ç’dimër vjen ti?
Patkoin e hënës hedh përmbi Dri !

Qysh nga Mesjeta,më latë jashtë në shi,hingëllin fantazma ,
Në fusha të shkreta ku s’prani lufta
E nuk u tuta !

Më latë cubel,pa bisht,pa jele,
M’i pretë për lahuta,
S’u tremba ,as u tuta !

Sa nuse hënore mbajta mbi shpindë
Tash më rrethuat me çengi
Që shpikin përditë Skenderbe të ri

Ah gjog i bardhë,ah vraç i zi
Ditën -Dri i Bardhë,
Natën- Dri i Zi !

Fantazmë kali,pse i trembesh kësaj toke?
Patkoin e hënës gjuan në qiej Europe!…

Fantazmë kali,nga ç’dimër vjen ti ?
Patkoin e hënës lëshon përmbi Dri…

Hingëllo hingëllan,përmbi Pikëllimë,
Çfarë shenja Mesjete të zbardhin,të nxijnë ?!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra