E mërkurë, 18 nëntor 2026

Rubrikat

Mbështet Limit.al

FORCA E JETËS, FITON…!

Një heshtje varri
ka veshur trupin e qytetit tim.
Një belbëzim dëgjohet diku,
si shirit i ngatërruar kasete
që përveç zhurmës
asgjë s’i kuptohet…
dhe pastaj humbet forcë,
zvogëlohet,
zhduket…

… edhe sirenat e ambulancave,
s’dëgjohen më!
Uroj më kot e shpresoj për mirë,
rrugët janë të çliruara
s’kërkojnë më “hapni udhë”…
në këtë zymtësi
që ndjell pasiguri,
pse jo dhe shumë frikë!

Një heshtje buzëtrishtueshëm
zhvendoset dimensioneve të njeriut,
jetës që pret të padëshirueshmet
të dëgjojë këndej e andej kufirit,
dramës globale
ku noton njerëzimi
kësaj here gjithëngjyrësh,
nacionalitetesh,
religjionesh,
të pasur e të varfër…

Ah sikur të ishim në lumturi
të gjithë në të njëjtin front,
sikur tani…?

Eee…!
Një pëllumb,
bari në rritje,
dritat e ndezura…
e ushqejnë shpresën me jetë!
Njeriu ka lindur të mbijetojë,
ndaj luftrat e çdolloj
kërkojnë zemër,
mendje,
e forcë…!

Pranvera Drita Gjoni
( foto e imja sot, me 12 mars 2020, Mechelen)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra