Gjiganti i rrjeteve sociale, Facebook, ka bllokuar faqen e presidentit të Venezuelës, Nicolás Maduro, pasi ai pretendoi pa prova se një ilaç bimor mund të shërojë COVID-19, njofton BBC.
Ai pohoi në janar se një tretësirë e barishtes trumzë mund të shërojë sëmundjen. Maduro nuk do të jetë në gjendje të postojë për 30 ditë.
Kompania teknologjike ka thënë se udhëheqësi kishte shkelur vazhdimisht politikat e saj mbi dezinformimin e koronavirusit.



