Miliarderi, Elon Musk, ka arritur marrëveshje për të blerë rrjetin social, Twitter për gati 44 miliardë dollarë, ka bërë të ditur kompania më 25 prill, më pak se dy javë pasi Musk ka bërë të ditur se ka blerë 9 për qind të aksioneve të saj.
Musk, i cili e përshkruan veten si përkrah të lirisë së shprehjes, ka thënë se dëshiron ta blejë platformën, sepse beson që nuk po e shfrytëzon potencialin që ka për liri të shprehjes.
“Liria e shprehjes është baza e një demokracie funksionale dhe Twitter është shesh digjital ku diskutohen çështje jetike për të ardhmen e njerëzimit”, ka thënë Musk përmes një deklarate.



