E mërkurë, 18 nëntor 2026

Rubrikat

Mbështet Limit.al

Ekspozitë fotografike në Krujë; syri i personalitetit Aleks Selimaj është i veçantë…

Mjeshtri i fotografisë artistike Alex Selimaj ka hapur një Ekspozitë Fotografike në qytetin e lashtë të Krujës, në Krujën e Skënderbut, në kuadrin e veprimtarisë tradicionale panshqiptare “Muzxa e Alpeve, 2018”.

Për peshën artistike të fotografisë së Aleks Selimajt, foli shkrimtari, aktori dhe regjisori i mirënjohur shqiptar Xhevat Limani, hulumtimet dhjetëvjeçare të të cilit rezultuan me poemën dramatike Gjergj Kastrioti Skënderbeu:
“Fotografi Aleks Selimaj është një personalitet i cili ndau dritën nga terri, sepse te regjistrosh gjurmët e kohës për të mbetur në analet e historisë gjurmët e qëndresës së një populli duhet një shpirt i veçantë. I lindur në Plavë-Guci, si shumë të tjerë e deshi fati që në tokën e bekuar të gjej vendin për të realizuar talentin e vet, në ShBA. Sepse, syri i Aleks Selimajt është i veçantë dhe ai po shkon gjurmëve të fotografit shqiptar Gjon Milit i cili la gjurmë të pashlyera në historinë e fotografisë botërore. Sepse, Aleks Selimaj me dashurinë apo kryeatdhedshurine e tij dhe ambiciet e veta do te dëshmojë shqipërisht nëpërmjet fotografive që flasin dhe prezantojnë dinjitetshëm atdheun e vet, Shqipërinë”-tha Limani.

Ndërsa, Alex Selimaj, në fjalën e tij të shkurtër tha se ndonëse talenti I tij nuk është në oratori por në fotografi dhe persekutimi vazhdueshëm ndaj popullit të tij në Plavë-Guci ka ndikuar që kombin ta mbaj në zemër, ai theksoi se”edhe vetëm një ekspozitë në jetë po ta hapja, atë do ta bëja në Krujë”.

Fotografitë e ekspozitës së shqiptaro-amerikanit Alex Selimaj nga Plavë-Gucia, me motive nga Kruja e Skënderbeut u lanë dhuratë për këtë qytet të bekuar, të cilat do të qëndrojnë në muret e bashkisë së Krujës. (Valdet Ermali).

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra