E mërkurë, 18 nëntor 2026

Rubrikat

Mbështet Limit.al

Cikël poetik nga Lulzime Gjyriqi

“Andrra e masditës”

Me mujt me kan edhe un ashtu me ty

Si ajo çika që çdo masdite e shoh nëpër qytet

Ajo pshtet kryet mi supin e tij

Ai I kallzon për jetën, i flet e i flet….

Më pas edhe un çka me kujtu si ajo

Shëtitjet e mramjet kur mke majt për dor’

Po un smuj i fshij andrrat e tua për shërim

N’at rrug që baje, aq pak metra katror

Me kan sapak me kthy kohën

E me mujt me kriju ni kujtim

N’ni rrug me kalldrëm, me gur a qoshe

Me ec përkrah edhe un me babin tim…

Me e dit at ndjesin se je e sigurt

Kur përkrah ki shtyllën ma t’fort

Me dit si asht me jetu me të

Me t’msu e me dit çka t’pret n’ket bot’

Me mujt me kan edhe un ashtu…

Si ajo çika që çdo masdite e shoh nëpër qytet

Ajo pshtet kryet mi supin e tij

E un bie në andrra, ku ti më flet, më flet….

“N’prehnin e nanës”

M’vjen era nan’ e pshtetem n’kraht e tu

Ku dora jote amel flokt, mir mi shkon

E thijat n’ato flok që mkan rrit shtatin mu

Bardhsi e ftyrs tane që shpirtin fort ma gzon

Atyn’prehnin tan, moj nan ku bjen qetsia

Aty ku merr er’ jeta e zemra nin dashni

I amli zani jot m’kthen në dit t’mia

M’kthen n’koh mrapa sa vite n’fmini

Ater kur ti moj nan m’knojshe kang djepi

Pa fjet e e rropatun, hiç nuk nijshe ran

E hanë e yje mi ki ul rreth djepi

Ambël mki përkun, sa gjumi me m’zan

M’vjen era jote e pshtetem n’kraht e tu

Sa her lodhem, mërzitem prej flliqsive t’ksaj bote

E tanahert marr rrugën, tanaheret vi

N’prehnin tan moj nan, …..ah m’pret dora jote!

“Goja nan’ dy her nuk thot”

Me e mat dashnin sa jeta e me mledh t’mirat tan ka jan

Me e shkru prap qysh a nis bota, prap kish nis me emnin nan’

N’prehen t’saj si n’drit të synit, amël shkon e amël vjen

Tan dashnin e zemrës nanës kun se gjan, as gja s’ta kthen

Me e mat dashnin sa jeta, sa qerpiki që lot shtrëngon,

Me ju lut tan bots e shkreta…goja nan dy her nuk thot!

“I shkruej dashnisë…”

I  shkruaj dashnisë për ty e bën ftohtë

Si erdhi kështu ky dimër me acar

Flokë-kredhur hidhet krenare kjo borë

E mbulon ditë…e ditë pa të parë

Zuni me ra sivjet borë e madhe

E kuturu u mbyllën shtigjet si për dreq

Çdo natë i këndova mungesës së dashnis së madhe

Ku je…ku të zuni vallë ky mot i keq

Me mendje bana, eh..rrugë të gjatë

Mes bredhash, as lisash s’të gjeta dot

S’të ndolli as kanga e dashnisë së madhe

As s’po të gjej, as s’të lë dot…

Valle ç’paske kenë kështu,

S’gjendesh në lisa, as bardhësi,

Flokë-kredhur kjo borë më sjell mall

E kënga e dashurisë më ndjell tek ti…

“Culahaj e vjetër”

Aty përnat e gjaj ni andërr

E me ta nisna, me t’a andrroj

Përkundna n’tok e m’vjen e amël

Dej n’qjell nisna me ta e shkoj

Culahaj e vjetër e fminis teme

Ti s’ki ndryshu, veç un jam rrit

Çdo pramje n’prehen qysh më maje

Prap kam ardh e prap mki prit

Përkuni andrrën prap dej n’yje

E çoj n’qjell me gzim e gaz

E prap nisoj hanës i baj lutje

Ah n’fmini, koha po kthehet mas

Aty jam sot e andrrën e përkuni,

Si ater kur kujtojsha që n’yje rri,

Un jam rritë dhe andrra tash asht tjetër,

Ah culahaj e vjetër…sot prap po nihna fmi…

Tropojë, Janar 2019

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra