E mërkurë, 18 nëntor 2026

Rubrikat

Mbështet Limit.al

Banka Biologjike e Britanisë premton të mbrojë biodiversitetin e planetit

Banka e parë biologjike e Britanisë ka marrë mbi vete një mision madhor: të mbrojë biodiversitetin e rrezikuar të planetit. Një raport i fundit i OKB-së thotë se 1 milion specie bimësh e kafshësh të planetit tonë kërcënohen të zhduken. Katalogu me mostra biologjike i krijuar në Skoci ofron shpresë për të mbrojtur speciet e rrezikuara nga zhdukja.

Bibliotekës së gjallesave i shtohet një titull i ri. Në Qendrën e Koleksionimit në Edinburg, punjësit po katalogojnë një mostër biologjike të ketrit të kuq. Prej dekadash numrat e tyre kanë qenë në rënie, por me ndihmën e mbrojtësve të diversitetit, po regjistrohen të dhënat biologjike të kësaj specieje.

Mostra që merret mbahet në temperatura që arrijnë -80 gradë celcius, së bashku me mijëra mostra të tjera në bankën e parë biologjike të Britanisë.

“Mbledhja e mostrave po bëhet gjithnjë e më e vështirë sepse është vështirësuar qasja tek këto kafshë, por edhe sepse ka rënë numri i ekzemplarëve nga këto specie,” thotë studiuesja Gill Murray-Dickson.

Shkencëtarja Murray-Dickson shpjegon se ruajtja e këtyre mostrave bëhet me shpresën se përmes analizimit të tyre shkencëtarët do të dalin me mënyra më të suksesshme për mbrojtjen e specieve.

“Për të garantuar shanset më të mira për mbrojtjen e një specieje duhet të mbledhim mostra me cilësi sa më të lartë. Cilësia e lartë e mostrave dhe informacionit do të ndihmojë studiuesit tani dhe në të ardhmen,” thotë zonja Murray-Dickson.

Deri tani janë mbledhur rreth 8000 mostra që përfaqësojnë mbi 1000 specie, ndër to edhe rinoceronti i rrezikuar i Sumatrës dhe macja e egër skoceze, që kanë secila më pak se 100 ekzemplarë në natyrë.

“Me kalimin e kohës, duke vazhduar të mbledhim më shumë mostra, shpresojmë të ofrojmë përgjigje për shumë pyetje lidhur me menaxhimin më të mirë të popullatave në natyrë, ndoshta duke e shtuar popullatën me ekzemplarë të lindur nën kujdesjen e njeriut, si dhe mbikqyrjen e specieve që janë në rrezik,” thotë shkencëtarja Helen Senn.

Një raport i fundit i OKB-së thotë se 1 milion specie bimësh e kafshësh të planetit tonë kërcënohen të zhduken. Raporti thotë se aktiviteti i njeriut po e bën Tokën një planet gjithnjë e më të vështirë për jetën përmes ndryshimeve klimatike, humbjes së biodiversitetit dhe ndotjes.

Shkencëtarët thonë se banka e biodiversitetit nuk mund të rikthejë speciet e zhdukura, por ndihmon për të identifikuar problemet që kërcënojnë zhdukjen në të ardhmen të specieve të tjera duke i dhënë florës dhe faunës ekzistuese shansin më të mirë për mbijetesë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra