E mërkurë, 18 nëntor 2026

Rubrikat

Mbështet Limit.al

BAJRAM CURRI GJITHMONË MË PRET NË QYTETIN TIM – Nga Ramiz LUSHAJ

Sivjet të kam lanë vetëm, o Bajram Curri ynë tribunal.
Çdo 29 mars të vija me lule bjeshke tek lapidari i bardhë.
T’i prekja alltinë e nxehtë e ballin me gjakun e ftohtë.

Kam 90 vjet tue të dvet: Kush të ka vrarë dje dhe sot?!
Më kanë akuzue Elegjia e Nolit, Shpella e Dragobisë…!

E kam ndie atë krismë tek Haxhi Zeka i Pavarësisë
Në shtatrritjen e Azem Hajdarit në vitet e Demokracisë…
Kur gjaku i djemve të Tropojës skuqte n’Flamur t’Shqipnisë

Në pashaportën time, në çdo kërkesë e CV-i
Ti – mbiemër i qytetit tim të lindjes, aty më rri…

Në vendlindje mungojnë shumë nga njerëzit e mi
I pari, Bajram Curri në Shtatore, gjithmonë më pret aty.

Valbona t’i lan plagët e krismave. Kollata të rri kurorë
Ti na pret e përcjell – me penë e me pushkë në dorë.

Ti je për Ne, qytetarët e Tu – një fuqi e gravitetit.
Një simbol kombëtar – në kryeqendër të rrethit.

O, Bajram Curr, Hero i Popullit, Piedestal i Kohës.
Me emnin tand në pashaportë i bie rreth e qark botës….

Tiranë, 29 mars 2015

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra