India shpreson të marrë deri në 500 milionë doza të vaksinës kundër koronavirusit deri në korrik të vitit të ardhshëm për rreth 250 milionë njerëz, tha të dielën ministri i Shëndetësisë Harsh Vardhan, derisa infeksionet në vendin e dytë më të prekur në botë, vazhdojnë të rriten.
India ka regjistruar rreth 6.55 milionë raste, 75,829 në 24 orët e fundit, ndërsa vdekjet e lidhura me COVID-19 kanë arritur gjithsej në 101,782, sipas të dhënave të Ministrisë së Shëndetësisë.
“Ekziston një organ i nivelit të lartë të ekspertëve që është në të gjitha aspektet e vaksinave,” shkroi Vardhan në Twitter. “Vlerësimi ynë i përafërt dhe synimi do të jetë marrja dhe shfrytëzimi i 400 deri 500 milionë dozave që mbulojnë (200 milionë-250 milionë) njerëz deri në korrik 2021.”
Instituti Serum i Indisë dhe kompanitë private janë bashkuar me organizata nga Bill & Melinda Gates Foundation me zhvilluesin e barnave në SHBA Novavax Inc, për të siguruar vaksinat.
India, ka gjasa për rritje të infeksioneve pasi një pjesë e madhe e popullsisë është e paekspozuar ndaj virusit, sipas një studimi të publikuar.
