MIDIS HOMERIT & SOKRATIT
Në fillim ishte fjala edhe e tillë do të mbetej
E pastër dritë në sy në ballë rrudhë e thellë
Te Homeri i verbër e Sokrati këmbëzbathur
Natën e bën ditë e terrin e kthen në shpellë
PENG MES DEMAGOGU & SHAKLLABANI
Kur fjala e fillimit përfundoi në një fjalë koti
Si shkumë i ra anash gojës së një llafazani
Rri në gjuhë pështymë dhe si shkop gome
Peng mes një demagogu e një shakllabani
Paradite, 5 prill 2020
