E pra, atje do të shkojmë,
Atje…, të gjithë,
Të gjithë, zotrinj e shokë.
…Shakull, shtrirë për tokë.
…!
Kur shoh luftën ,
Luftën mesveti të minorancës,
Të minorancës në të gjallë…!
Po atje, atje te mazhoranca,
Ku janë qindra-fish breza,
Ç’ka do të bajmë vallë?
Kur s’po na zë toka,
Toka e Zotit me gjithë qiell,
Në burgun-pus do jemi mirë?
Kjo vjershë e imja,
Shumë kujt ia bën sytë terr,
…Edhe atje parashikoj: -Tmerr!
Bani gajret burra e gra,
Jemi udhetarë, veç musafirë,
Zot-shtëpia…, buzeqeshë e kqyrë.
Do të na thonë gjysh-stër-gjyshërit e mirë:
-Nga po na vini o nip-stër-nipa,
O Ufo… në këtë Hapsirë?
…!
E pra, atje do të shkojmë,
Atje…, të gjithë,
Të gjithë, zotrinj e shokë.
…Shakull, shtrirë për tokë.
./.
(NJ, USA, qershor 2012)
-Nga libri ne doreshkrim “Te vrasesh nje poet`´-
