Koreanët e Jugut janë bërë menjëherë një ose dy vjet më të rinj.
Një gjë e tillë ndodhi për shkak të ligjeve të reja që kërkojnë përdorimin e mënyrës së njohur ndërkombëtarisht të numërimit të moshës që hyjnë në fuqi të mërkurën.
Ato zëvendësojnë një nga dy metodat tradicionale të vendit, ku njerëzit konsiderohen të jenë një vjeç në lindje – duke marrë parasysh kohën e kaluar në mitër.
Sistemi i “moshës koreane” i sheh gjithashtu njerëzit që plaken me një vit më 1 janar çdo vit, në vend të datës së tyre të vërtetë të lindjes.
Në një konferencë të hënën, ministri i legjislacionit të qeverisë Lee Wan-kyu tha: “Ne presim që mosmarrëveshjet ligjore, ankesat dhe konfuzioni social që janë shkaktuar mbi mënyrën e llogaritjes së moshave do të reduktohen shumë”.
Një sondazh i qeverisë i cili u krye në shtator të vitit të kaluar zbuloi se 86% e koreano-jugorëve thanë se do të përdornin sistemin ndërkombëtar të moshës në jetën e tyre të përditshme kur ligjet e reja të hyjnë në fuqi.
“Isha gati të mbushja 30 vjeç vitin e ardhshëm [sipas sistemit tradicional të moshës koreane], por tani kam ‘më shumë kohë të fituar’ dhe më pëlqen”, tha Choi Hyun-ji, një punonjës zyre 27-vjeçare në Seul.
“Është e mrekullueshme të ndihesh sikur bëhesh më e ri”, shtoi Choi.
