Mijëra banorë po përgatiten të largohen nga shtëpitë e tyre në Filipine për shkak të riaktivizimit të vullkanit Mayon.
I konsideruar si vullkani më i madh në vend, Mayon ka lëshuar lavë gjatë pasdites dhe mbrëmjes së të dielës duke ngritur në gatishmëri absolute qytetarët.
Aktivitetet magmatik pritet të shtohet në orët në vijim, teksa deri në këto momente, mbi 12 600 persona që jetonin pranë vullkanit janë larguar nga zona e rrezikut.
Autoritetet iu kërkojnë banorëve që të tregojnë kujdes dhe të zbatojnë të gjithë urdhrat e tyre të evakuimit, nëse do të jetë e nevojshme.
