Qendra për Matje të nivelit të vërshimeve në Gjermani ka njoftuar se ekziston një rrezik ekstrem për vërshime. Kjo dukuri natyrore ndodh në cikle çdo 20 ose 50 vjet.
Shërbimi Sinoptik gjerman paralajmëroi, se ka rrezik për jetë. Deri tani për fat të mirë nuk ka as viktima në njerëz dhe as dëme, vuri në dukje Ministria e Brendshme.
Gjendja e rrezikshme e ka preokupuar edhe vet kancelarin Olaf Scholz.
Në vend që të bëjë luftë elektorale, Scholz sot do të krijojë vetë një përfytyrim në vend për situatën e vërshimeve.
Në kryeqytetin e landit Saarbrücken është shpallur gjendje e dëmit të madh.
Atje ku lumi Saar ka dalë nga shtrati janë vërshuar disa rrugë prej ujit dhe janë bllokuar – ndër të tjera edhe është bllokuar edhe autostrada e qytetit.
Nga disa ndërtesa në këtë zonë të qytetit duhej të evakuoheshin njerëzit. Qendra për mbrojtjen nga katastrofat e konsideron gjendjen mjaft të tensionuar.
Lumi Saar do të vazhdojë të ketë rritje të nivelit të ujit për shkak të reshjeve të vazhdueshme. Shërbimi sinoptik i Gjermanisë ka regjistruar 100 litra ujë shiu për metër katror. Ndonëse reshjet janë rralluar situata është ende e vështirë në zonat e evakuuara të Saarlandit. Po ashtu edhe në Nyrenberg brenda tri orësh ka pasur reshje të vazhdueshme dhe janë regjistruar gjithsej 300 emergjenca të zjarrfikëseve.
