Manchester United mund të ndalohet të blejë Kylian Mbappe për shkak të një rregulli të çuditshëm të UEFA-s. United pritet të blihet nga sheiku i Katarit Jassim bin Hamad Al Thani pasi ai fitoi garën me Sir Jim Ratcliffe.
Dhe klubi do të duhet të dëshmojë se është i pavarur nga pronësia e Katarit të Paris Saint-Germain nëse dëshiron të kryejë operacione me gjigantët francezë.
Kjo për shkak se UEFA ka ndaluar Milan dhe Toulouse nga operacione të merkatos me njëri-tjetrin për sezonin e ardhshëm, sipas ”Get Football News France”.
UEFA është e shqetësuar se dy klubet nuk mund të veprojnë në mënyrë të pavarur, sepse ata kanë të njëjtët pronarë – RedBird Capital Partners.
Si përgjigje, Toulouse ka bërë ndryshime në nivel bordi për t’i dëshmuar UEFA-s se RedBird Capital Partners nuk kanë asnjë rol në drejtimin e klubit.
Por UEFA nuk është plotësisht e bindur dhe i ka ndaluar klubet që të shesin ose huazojnë lojtarë me njëri-tjetrin, megjithëse të dyja skuadrat do të lejohen të konkurojnë në kompeticionet e UEFA-s sezonin e ardhshëm.
Nëse United dhe PSG nuk arrijnë ta bindin UEFA-n për neutralitetin e tyre pasi sheiku Jassim të marrë kontrollin, ata mund të kenë të njëjtin fat. Kjo do të përjashtonte mundësinë e transferimit të Mbappe te Djajtë e Kuq.
Mbappe besohet se është i vendosur të transferohet te Real Madrid, por United është i interesuar dhe mund të bëjë një ofertë nëse PSG e nxjerr në shitje.
