BRITANI: Një situatë aspak e këndshme është regjistruar vetëm para pak minutash gjatë paradës që po mbahet në ditëlindjen e Mbretit Charles III.
Tre ushtarë të veshur me uniformat karakteristike të Anglisë, me xhaketat e kuqe dhe kapelet e larta prej leshi, u panë teksa rrëzoheshin dhe binin pa ndjenja në tokë përpara Princit të Uellsit, William, i cili po kontrollonte ecurinë e përgatitjeve të ceremonisë.
Ushtarët pjesëmarrës të paradës ushtarake që përgatitet për festimet e ditëlindjes së mbretit Charles janë sëmurë, disave madje u ka rënë të fikët, për shkak të vapës që goditi Londrën.
Video që po bën xhiron e rrjetit, tregon momentin kur një nga ushtarët që i binte trompetës bie pa ndjenja dhe mundohet të ngrihet përsëri duke vazhduar të lëshojë tinguj nga vegla muzikore në mënyrë që të mos ndalej muzika.
Princi William përmes një postimi në Twitter, ka falenderuar ushtarin për qëndrimin e tij.
