Në një park në një nga qytetet më të ndotura në botë, një “kullë” e hijshme filtruese ka pastruar në heshtje ajrin përreth që nga vera e kaluar. E quajtur Verto, pajisja 5.5 metra e gjatë redukton nivelet e dioksidit të azotit dhe grimcave të imëta të rrezikshme në Sunder në Nju Delhi duke filtruar 600,000 metra kub ajër në ditë që është e barabartë me vëllimin e 273 balonave të ajrit, citon “CNN”.
Tani, pasi kanë mbledhur të dhëna nga prototipi i tyre, arkitektët që qëndrojnë pas shpikjes besojnë se projekti i tyre mund të zgjerohet për të pastruar hapësira të mëdha publike, lagje dhe madje edhe qytete të tëra.
Të dizenjuara nga firma e arkitekturës Studio Symbiosis, e cila ka zyra në Indi dhe Gjermani, kullat përmbajnë pesë “kuba” filtrimi ajri të vendosur brenda një strukture gjeometrike.
Bashkëthemeluesit e firmës, Amit dhe Britta Knobel Gupta, thonë se pajisjet e tyre me ventilator mund të pastrojnë ajrin brenda një rrezeje prej 200 deri në 500 metra në hapësira të mbyllura, megjithëse jashtë kjo distancë do të ishte 100 deri në 350 metra, në varësi të shpejtësisë së erës dhe sa i hapur është ambienti.
Vetëm në vitin 2019, ndotja e ajrit mendohet të ketë shkaktuar afro 1.6 milionë vdekje në Indi, sipas një studimi në revistën mjekësore The Lancet.
Nju Delhi mbulohet rregullisht nga smogu, me emetimet e automjeteve, termocentralet që digjen nga të korrat dhe qymyri që të gjitha kontribuojnë në rënien e cilësisë së ajrit të qytetit.
Instituti i Efekteve Shëndetësore me bazë në SHBA vitin e kaluar e emëroi kryeqytetin e Indisë si qytetin me ekspozimin më të lartë ndaj grimcave të imta, ose PM2.5, në botë.
Dhe përveç ndikimit të drejtpërdrejtë të ndotjes, ndryshimi klimatik që rezulton ka shkaktuar valë të nxehtit që kanë vrarë më shumë se 24,000 njerëz në vend që nga viti 1992, sipas një studimi të publikuar nga Universiteti i Kembrixhit muajin e kaluar.
