Një Bibël Hebraike 1100-vjeçare u shit nga shtëpia e ankandeve Sotheby’s në New York me shifrën kolosale të 38.1 milionë dollarëve. Bibla përshkruhet si “një nga tekstet më të rëndësishme dhe më të veçanta në historinë njerëzore”.
Çmimi tejkalon shitjen e vitit 1994 të dorëshkrimit të Leonardo da Vinçit, Codex Leicester, i cili arriti 30.8 milionë dollarë, tha Sotheby’s. Codex Sassoon mban emrin e pronarit të mëparshëm David Solomon Sassoon, i cili bleu Biblën në vitin 1929 dhe mblodhi një nga koleksionet private më të rëndësishme të dorëshkrimeve Judaica dhe Hebraica në shekullin e 20-të dhe besohet se është Bibla më e hershme dhe më e plotë hebraike.
Bibla hebraike është themeli i tre besimeve abrahamike: Judaizmit, Krishtërimit dhe Islamit. Studiuesit kanë qenë prej kohësh në dijeni të kodikut të emërtuar sipas koleksionistit të njohur judaik David Sassoon, por ai ka mbetur kryesisht jashtë opinionit publik.
Megjithatë, Codex Sassoon nuk arriti vlerësimin e tij të lartë që parashikohej më herët prej 50 milionë dollarësh.
