Fytyra e kësaj foshnje ishte një nga imazhet që mbeti në mendjen e secilit, nga tërmeti shkatërrues që ra në Turqi, më 6 shkurt.
Vogëlushja kaloi 128 orë e bllokuar nën rrënoja derisa u shpëtua nga ekipi dhe përreth dy muaj u mbajt larg nënës së saj.
Ishin me mijëra fëmijët të cilëve nuk po u gjendeshin familjet pas fatkeqësisë, por të paktën për Vetin Bagdas ky makth ka përfunduar. Ajo është rikthyer së fundmi pranë gjirit të
nënës së saj, e cila më parë ishte deklaruar e vdekur.
Ministria e Familjes dhe Shërbimeve Sociale të Turqisë ka njoftuar se Vetin Begdas tre muajsh e gjysmë u ribashkua me Yasemin Begdas të shtunën, 54 ditë pasi ajo u shpëtua nga një ndërtesë e dëmtuar në provincën e Hatay.Ajo ishte quajtur Gizem nga autoritetet mjekësore që u kujdesën për të pas shpëtimit.
Pasi nënës dhe vajzës iu bë testi i ADN-së, ishte vetë ministrja e Familjes dhe Shërbimeve Sociale që i bashkoi. Derya Yanik postoi në Twitter një video të ribashkimit të hënën, ku dyshja shihen duke u përqafuar në shtratin e spitalit në Adana, ku Yasemin Begdas po merr trajtim. Foshnja e saj u dërgua nga Ankara ku edhe ajo po merrte trajtim mjekësor.
Babai dhe dy vëllezërit e foshnjës vdiqën gjatë tërmetit, i cili vrau më shumë se 50 000 njerëz./limit.al
54 günlük hasret sona erdi.????
Enkaz altından 128 saat sonra kurtulan, hemşirelerimizin Gizem Bebek ismini koyduğu Vetin Begdaş 54 gün sonra annesine kavuştu.
Vetin artık bizim de bebeğimiz.
Bakanlık olarak desteğimiz her zaman yanında olacak. pic.twitter.com/66sWKR53z3
— Derya Yanık (@deryayanikashb) April 3, 2023