Superylli i Portugalisë, Cristiano Ronaldo dhe rekordet ecin dorë për dore.
Sulmuesi i Manchester United është bërë personi i parë që ka 500 milionë ndjekës në rrjetin social Instagram.
Ronaldo, tashmë ka pothuajse dyfishin e ndjekësve se ish-kapiteni i Indisë, Virat Kohli. Futbollisti argjentinas Lionel Messi është në vendin e dytë në listën e ndjekësve më të shumtë me 376 milionë në Instagram.
Ronaldo gjithashtu ka më shumë se 105 milionë ndjekës në Twitter. Ylli televiziv Kylie Jenner është në vendin e tretë me 346 milionë ndjekës, ndërsa Selena Gomez dhe Dwayne The Rock Johnson janë në vendin e katërt dhe të pestë. Virat Kohli është në vendin e shtatë në listë me 203 milionë ndjekës.
Të shtunën, Ronaldo dhe Lionel Messi pozuan së bashku në një lojë shahu dhe fotografia u bë menjëherë virale. Postimi i Ronaldos në Twitter për të njëjtën gjë ka mbledhur më shumë se 1.6 milionë pëlqime.
Ronaldo tha të hënën se mosmarrëveshja e tij me Manchester United nuk do të kishte një efekt negativ në skuadrën e Portugalisë në Kupën e Botës në Katar. I reduktuar në një rol periferik te United këtë sezon, superylli javën e kaluar sulmoi klubin e tij dhe trajnerin e United Erik ten Hag në një intervistë televizive.
“Nuk kam dyshim se ky episod i fundit, ajo intervistë dhe episode të tjera me lojtarë të tjerë që ndodhin ndonjëherë, ndonjëherë mund ta trondisin lojtarin, por nuk do ta trondisin ekipin”, tha Ronaldo në një konferencë për shtyp në kampin e Portugalisë.
