Kombëtarja e Shqipërisë ka mposhtur atë të Hungarisë, në kuadër të kualifikimeve për Kupën e Botës.
“Kuq e Zinjtë” fituan me rezultat minimal 1 – 0.
Raste të mira kishin dy skuadrat gjatë tërë takimit, por që nuk u finalizuan deri në momentet e fundit.
Pjesa e parë përfundoi siç nisi, sepse asnjëra skuadër nuk e gjeti rrugën drejtë golit.
Një rast i dyshimtë ishte në pjesën e parë, kur arbitri nuk akordoi penallti pavarësisht që Bekim Balaj u faullua në zonën e 16-metërshit.
Ndërsa, Hungaria provoi disa herë përmes Szobozlai, goditjet e të cilit ndaleshin nga Etrit Berisha.
Ishte i inkuadruari Armando Broja që pranoi një top dhe nga një distancë e largët arriti të realizoi (87′) – VIDEO.
Ky gol ishte i mjaftueshëm që Shqipëria të arkëtoi pikët e plota në “Elbasan Arena”.
Pas kësaj fitore, Shqipëria renditët e dyta me 9 pikë në pesë takime, derisa Hungaria renditët e katërta me 7 pikë në po aq ndeshje.
