Ju ndodh që të telefoni juaj të fiket papritmas gjatë kohës që ju e përdorni? Po të merrni telefonin tuaj për të bërë një telefonatë dhe vini re se ai po.. digjet?
A është normale? Përgjigjja është po. Por shkaqet mund të jenë disa. Ato kanë të bëjnë me “trurin” e telefonit tuaj ose faktorë të tjerë të jashtëm. Ja cilët janë disa nga faktorët më të zakonshëm:
1.Ka nevojë për pushim.
Shpesh e përdorim telefonin për orë të tëra duke përdorur aplikacione të ndryshme ,Wi-Fi ose programet e fotove dhe videove. Ndonjëherë edhe 20 minuta rresht janë shumë.
Si ta shmangim? Bëni disa minuta pushim. Telefoni juaj ka nevojë për pushim (ndoshta edhe ju). Gjithashtu është e këshillueshme të fikni aplikacionet që nuk i përdorni dhe ta ulni ndriçimin e ekranit.
2.Shumë diell (ose ftohtë)
A e keni lënë telefonin tuaj të ekspozuar ndaj diellit apo ndaj të ftohtit ekstrem? Është një ide e keqe. Telefoni juaj mund të jetë i zgjuar por jo i përgatitur për këtë.
Si ta shmangim: Gjithmonë mbrojeni telefonin nga dielli dhe temperaturat ekstreme. Vendoseni në hije. Shmangni dritën e drejtpërdrejtë. Mos e ekspozoni atë në lagështi.
3.Ka një virus
Ju mund të keni instaluar një virus në formën e një aplikacioni.
Si ta shmangni: Mos instaloni aplikacione nga burime të panjohura. Nëse tashmë keni instaluar një aplikacion jo të sigurt e fshini dhe më pas i bëni format ose reset telefonit.
4.Mbrojtësja e telefonit tuaj po e “mbyt”
Është e mundur që mbrojtësja e telefonit tuaj po shkakton më shumë probleme sesa zgjidhje.
Si ta shmangni: Hiqeni mbrojtësen përkohësisht dhe vini re nëse është ajo arsyeja pse telefoni juaj mbinxehet. Sidoqoftë, kjo do ta ndihmojë pajisjen të ftohet më shpejt.
5.Bateria është defektoze
Bateritë e litiumit janë delikate. Gjendja e baterisë së telefonit tuaj mund të ketë shumë të bëjë me nxehtësinë e tepërt.
Si ta shmangni: Shmangni ngarkimin e baterisë plot (më mirë në 80-90% se në 100%). Përdorni kabllo telefoni me cilësi të mirë, ndonjëherë duke e ngarkuar telefonin me kabllon e gabuar mund të jetë çelësi i problemit.
