Për shkak të shpërthimit të koronavirusit, shkollat greke do të hapen një javë më vonë sesa pritej.
Shkollat ishin planifikuar të hapeshin më 7 shtator, por me një rritje të rasteve të fundit të Covid-19, autoritetet vendosën ta shtyjnë në 14 shtator, tha ministrja e Arsimit Niki Kerameus.
“Shtyerja është e nevojshme për ti dhënë kohë pushuesve të kthehen në qytetet e tyre dhe për të kufizuar lëvizjen e njerëzve asimptomatikë”.
Maskat do të duhet të përdoren nga nxënësit dhe mësuesit. Ato do të shpërndahen falas shkollave publike dhe private.
Autoritetet shëndetësore njoftuan të martën 207 raste të reja dhe pesë viktima. Midis tyre, 20 raste u regjistruan në pikat e hyrjes së qarkut, tha Instituti Kombëtar i Shëndetit Publik. Deri tani 271 persona kanë humbur jetën, ndërsa janë regjistruar mbi 10 mijë raste pozitive.
Rritja e rasteve zgjat edhe masat
Ndërsa numri i rasteve të reja luhatet çdo ditë, Greqia ka nxitur autoritetet përkatëse të zgjasin masat.
Autoriteti i Aviacionit Civil ka publikuar kufizime të reja për të parandaluar përhapjen e mëtejshme të virusit. Ndalimi i fluturimeve midis Greqisë dhe Turqisë është zgjatur deri më 15 shtator, ndërsa fluturimet nga Katalonja në Spanjë janë pezulluar përkohësisht.
Të gjithë pasagjerët që vijnë nga Shqipëria, Belgjika, Bullgaria, Malta, Maqedonia e Veriut, Rumania, Spanja, Suedia dhe Emiratet e Bashkuara Arabe do të lejohen të hyjnë në Greqi vetëm duke paraqitur një test negativ të COVID-19, i marrë deri në 72 orët e fundit./Ekathimerini
