Takimi i mbrëmshëm i një numri të konsiderueshëm poetësh nga disa qytete te hapësirës shqiptare, në natyrën e hapur të bukurive natyrore të fshatit Kasaj të Tropojës, rrëzë majës së Shkëlzenit, ishte jo vetëm një ndjenjë me peshë madhështore,por një përjetim romantik, që dinë ta shijojnë vetëm poetët,krijuesit me mendimeve fisnike .
“Grand-Klaus-hotel”. Kasaj – Tropojë
Poeti Lulzim Logu
Në ambientin e ”Grand-Klaus-Hotel”,mbrëmjen e 22 gushtit,nga ora 20-23,u përuruan veprat poetike të poetit Zenun Hysenukaj:”Kujtime të Fjetura”,(letra, ese, kujtime),dhe “Largoi stinët nga fytyra jote”, poezi, për të cilat dhanë mendimet e veta disa poet të shquar të letrave shqipe.
Me pietet për veprimtarinë letrare të poetit Zenun Hysenukaj, folën: Hamit Alija ,Sadik Bejko ,Besim Ahmetaj ,prof. MigenaArllati ,Reshat Sahitaj,z.Jajhja Lluka, Asllan Osmani, HasanSelimi etj.
Nga e djathta: Hamit Alija,Reshat Sahitaj, Sadik Bejko, Jahja Lluka, dhe Hasan Selimi.
Poeti tropojan, tani i dëshmuar kohë të gjatë në letrat shqipe, si poet i mirëfilltë me vargun e tij suptil, me ndjeshmëri karakteristike të kohës, ku dashuria ndaj vendlindjes, dhembja, atdhedashuria ,janë pjesë e pandashme e shpirtit të tij të sinqertë. Temat e subjektit poetik te poetit Zenun Hysenukaj, burojnë nga një kompleks shumëdimensional i botës poetike të autorit,të cilat reflektojnë si pasuri gërshetimin e mendimeve të gdhendura poetike . Ndjeshmëria aq elastike e frymëzimeve poetike,e bëjnë autorin dhe vargun e tij, të jetë në qendër jo vetëm të leximit ,por edhe të studimit letraro-poetik. Është një poet i frymëzimeve të thella, i cili gjërat i kap në moment të duhur…..
Autori i dy librave të përuruar
Aktiviteti i letrar i organizuar nga tropojanët ,ishte një madhështi në vete, ku binin në sy disa gjëra tejet të veçanta e shumë mbresëlënëse. Në radhë të parë, ishin të ftuar poet e krijues të mirëfilltë,të gjithë miq të autorit Zenun Hysenukaj ,nga Tirana ,Lezha dhe disa qytete të Kosovës,si Prishtina,Peja,Gjakova etj,të cilët përbënin atë “sofrën” shpirtërore të vetë autorit.
Element në vete, interpretohet se për krijuesit e mirëfilltë, nuk ka epidemi që i ndal nga takimi dhe zbrazja e katarzës shpirtërore as në rrethana që po i përjetojmë, në kuptimin global. Kjo nuk do të thotë se nuk ishte ajo “mosdija” e mbrojtjes nga egërsia virusale, përkundrazi, të gjithë dinin të silleshin bukur me situatën, për të dhënë shembull të tjerëve…
Ishte pra, një natë poetike shumë romantike, në këtë cep të atdheut tonë, në Tropojë, vatër e njohur e kulturës letrare, e trimërisë e bujarisë, një çerdhe e ngrohtë e shumë shpirtërore me shumë rëndësi në Malësinë e Gjakovës e jo vetëm.
Në fund të përurimit, autori z. Zenun Hysenukaj, falënderoi të pranishmit me fjalët e përzgjedhura të zemrës ,duke u thënë se secili nga Ju, që “keni mare rrugë të largëta për të qenë së bashku këto çaste, u falënderoj nga zemra”.
Nga Tropoja,pa darkë nuk shkon mysafiri në shtëpi,nuk “lejojnë” rrethanat e traditës. Pas një kokteji, duke u përshëndetur të gjithë me njëri tjetrin, u ndamë duke na mbetur shumë foto kujtime të përbashkëta.