Ministri i Mbrojtjes i Turqisë, Hulusi Akar, ka deklaruar se Ajasofja i përket kombit turk dhe askush tjetër nuk ka të drejtë të thotë diçka në lidhje me të, raporton Anadolu Agency (AA).
“Ajasofja i përket shtetit të Republikës së Turqisë. Kështu që dikush që mund të thotë diçka për të është shteti i Republikës së Turqisë dhe kombi turk”, tha Akar në një ceremoni të organizuar nga Universiteti Boğazaçi në Stamboll për të shënuar 15 korrikun, Ditën e Demokracisë dhe Unitetit Kombëtar.
Javën e kaluar, një gjykatë e lartë turke anuloi një dekret të kabinetit të vitit 1934, që kishte shndërruar Ajasofjan e Stambollit nga xhami në një muze. Ky vendim i gjykatës turke i hapi rrugë të kthimit të Ajasofjas përsëri në xhami.
15 korriku përkujton ata që dhanë jetën për të parandaluar përpjekjen e grusht shtetit të vitit 2016 në Turqi, të orkestruar nga Organizata Terroriste Fetullah (FETO) dhe udhëheqësi i saj në SHBA, Fetullah Gulen. Grusht shteti i mposhtuar la 251 persona të martirizuar dhe rreth 2.200 të plagosur.
Turqia do të vazhdojë të mbështesë Azerbajxhanit
“Armenia, e cila padrejtësisht dhe në mënyrë të paligjshme pushton Karabakh-un e Epërm, kohëve të fundit ka kryer sulm në rajonin Tovuz të Azerbajxhanit, duke tejkaluar kufijtë e saj”, tha Akar, duke kujtuar incidentin e të dielës së kaluar në të cilën 11 ushtarë të Azerbajxhanit u martirizuan.
Akar theksoi se kombi turk ndan thellësisht dhimbjen e tyre.
“Ne e dënojmë me forcë këtë sulm të rëndë. Si Turqi, ne gjithmonë do të vazhdojmë të qëndrojmë me Azerbajxhanin vëllazëror”, tha Akar.
Luftoni kundër FETO-s
Akar tha se kombi turk, nën udhëheqjen e presidentit Recep Tayyip Erdoğan, brezave të ardhshëm u la një trashëgimi të demokracisë duke mposhtur përpjekjen e grusht shtetit, të cilin ai e quajti “tradhti më të madhe”.
Ai tha se gjithsej 20.070 anëtarë të FETO-s, të cilët depërtuan në Forcat e Armtosura Turke, janë larguar nga detyrat e tyre që nga viti 2016.
Ai shtoi se lufta kundër grupit terrorist vazhdon me vendosmëri me informacione, dokumente dhe të dhëna të reja.
“Ne jemi të vendosur për të eliminuar telashet e terrorit”, theksoi Akar.