RFE /RL
Presidenti i Shteteve të Bashkuara, Donald Trump, thotë se Uashingtoni ka identifikuar 52 “pozicione iraniane” që do të sulmojë “shumë shpejt dhe shumë fuqishëm” nëse Teherani kryen ndonjë sulm në caqet amerikane, si shenjë hakmarrje për vrasjen e gjeneralit iranian Qasem Soleimani.
“Irani po flet me shumë guxim për sulmet ndaj disa aseteve të SHBA-së në shenjë hakmarrjeje për shkak se ne vramë liderin e tyre të terrorizmit, i cili sapo kishte vrarë një amerikan dhe plagosi disa të tjerë, për të mos përmendur edhe njerëzit e tjerë që ai kishte vrarë gjatë jetës së tij, përfshirë edhe kohëve të fundit qindra protestues iranianë”, shkroi Trump në llogarinë e tij në Twitter.
Trump shtoi se Qasem Soleimani, që u vra nga një sulm me dron i kryer nga SHBA-ja, teksa po udhëtonte në Irak më 3 janar, kishte sulmuar ambasadën amerikane në Bagdad dhe po “përgatiste sulme të tjera në lokacione të ndryshme”.
“Irani, viteve të fundit ka sjell vetëm probleme. Le të shërbejë si PARALAJMËRIM se sulmet e Iranit ndaj çdo amerikani apo aseteve amerikane, ne kemi 52 lokacione iraniane (që përfaqësojnë 52 amerikanë të marrë peng nga Irani shumë vite më parë), disa në nivel shumë të lartë dhe të rëndësishëm për Iranin dhe kulturën iraniane”, tha Trump.
Donald J. Trump
✔
@realDonaldTrump
· 11h
Replying to @realDonaldTrump
….hundreds of Iranian protesters. He was already attacking our Embassy, and preparing for additional hits in other locations. Iran has been nothing but problems for many years. Let this serve as a WARNING that if Iran strikes any Americans, or American assets, we have…..
Donald J. Trump
✔
@realDonaldTrump
….targeted 52 Iranian sites (representing the 52 American hostages taken by Iran many years ago), some at a very high level & important to Iran & the Iranian culture, and those targets, and Iran itself, WILL BE HIT VERY FAST AND VERY HARD. The USA wants no more threats!
191K
11:52 PM – Jan 4, 2020
Twitter Ads info and privacy
90.8K people are talking about this
Trump shkroi se “këto caqe edhe vetë Irani, do të kryhen sulme shumë të shpejta dhe të fuqishme. SHBA-ja nuk do më kërcënime”.
Referenca e Trumpit për pengjet amerikane, i referohet marrjes nën kontroll të ambasadës amerikane në Teheran më 1979 nga revolucionarët iranianë, ku 52 amerikanë u mbajtën peng për 444 ditë.
Ndërkaq, përmendja nga presidenti amerikan për lokacionet kulturore, ngriti mjaft shqetësime në mesin e kritikëve.
Colin Kahl, i cili ka qenë zyrtar i sigurisë kombëtare në administratën e ish-presidentit Barack Obama, ka shkruar në Twitter se ai e kishte të vështirë “të besoj se Pentagoni do t’i jepte të dhëna Trumpit për lokacione të ndryshme, përfshirë ato kulturore. Trump mund të mos brengoset për ligjet e luftës, por Departamenti i Mbrojtjes dhe avokatët brengosen… dhe sulmi ndaj pozicioneve kulturore përbën krim lufte”.
Colin Kahl
✔
@ColinKahl
For what it’s worth, I find it hard to believe the Pentagon would provide Trump targeting options that include Iranian cultural sites. Trump may not care about the laws of war, but DoD planners and lawyers do…and targeting cultural sites is war crime. https://twitter.com/realDonaldTrump/status/1213593975732527112 …
Donald J. Trump
✔
@realDonaldTrump
Replying to @realDonaldTrump
….targeted 52 Iranian sites (representing the 52 American hostages taken by Iran many years ago), some at a very high level & important to Iran & the Iranian culture, and those targets, and Iran itself, WILL BE HIT VERY FAST AND VERY HARD. The USA wants no more threats!
6,540
12:46 AM – Jan 5, 2020
Twitter Ads info and privacy
2,727 people are talking about this
Irani është zotuar se do të hakmerret, por deri më tani nuk ka marrë ndonjë veprim ushtarak. Në sulmin e 3 janarit, përveç liderit të Forcave elite iraniane Quds, Soleimanit, është vrarë edhe Abu Mahdi aë-Muhandis, zëvendëskomandanti i milicisë në Irak, Hashd Shaabi, milici kjo që mbështetet nga Irani.
Mijëra persona në Bagdad kanë marrë pjesë në varrimin e gjeneralit iranian Qassem Soleimani, që u vra nga një sulm me dron i SHBA-së.
LEXONI EDHE KËTË:
Trump: Sulmi me dron ishte për të ndaluar një luftë
Komentet e Trumpit u pasuan nga komente të ngjashme nga një komandant i Gardës Revolucionare Islamike të Iranit, i cili përmendi 35 caqe amerikane, të cilat Irani mund t’i godasë në kundërpërgjigje.
Agjencia e lajmeve iraniane, Tasnim, ka cituar gjeneralin Gholamali Abuhamzeh të ketë thënë se Teherani do të ndëshkojë amerikanët kudo që mundet dhe ka sugjeruar se mund të kryejë sulme ndaj anijeve në Gjirin Persik.
Lideri suprem i Iranit, Ayatollah Ali Khamenei gjithashtu ka kërcënuar se do të ndërmarrë veprime hakmarrëse ndaj “kriminelëve” që kanë vrarë gjeneralin Soleimani, përderisa presidenti iranian, Hassan Rohani deklaroi se vrasja e gjeneralit iranian, do ta bëjë Teherani më të vendosur në rezistencën e tij kundër Shteteve të Bashkuara.
Vendimi i Trumpit për të vrarë Soleimanin është mirëpritur nga mbështetësit e tij republikanë, por ka hasur në kritika nga demokratët, të cilët thonë se një gjë e tillë mund që SHBA-në ta fusë në luftë me Iranin.
Në Irak, qytetarët kanë marrë pjesë në varrimin e Qassem Soleimani
Në Irak, qytetarët kanë marrë pjesë në varrimin e Qassem Soleimani
Forcat Quds, që udhëhiqte Soleimani, nga SHBA-ja konsiderohen organizatë e huaj terroriste.
Në shumë qytete amerikane, protestuesit kanë kundërshtuar vrasjen e gjeneralit Soleimani.
“Pa drejtësi, pa paqe, SHBA-ja jashtë Lindjes së Mesme”, kanë brohoritur protestuesit në qendër të Nju Jorkut. Disa nga protestuesit kanë mbajtur në duar pano me mbishkrime “Ndaloni bombardimet në Irak” dhe “Jo luftë apo sanksione ndaj Iranit”.
Rreth 200 protestues para Shtëpisë së Bardhë kanë brohoritur “jo luftë në Iran” dhe tubime të ngjashme janë mbajtur edhe në Çikago, Filadelfi, San Francisko dhe vende të tjera në SHBA.
Shumë prej aleatëve tradicionalë të SHBA-së gjithashtu kanë shprehur shqetësimin e tyre se vrasja e gjeneralit iranian mund të nxisë një konflikt të armatosur në Lindje të Mesme.
Ndërkaq, në Irak, koalicioni i udhëhequr nga SHBA-ja, më 5 janar tha se kanë ndodhur dy sulme me raketa në afërsi të bazave irakiane ku janë të vendosur trupat e koalicionit, por nuk është raportuar se ka pasur të plagosur në mesin e forcave. Megjithatë, koalicioni ka raportuar se nga këto sulme janë plagosur civilë irakianë.
“Në natën e 4 janarit, dy raketa kanë goditur në afërsi të bazave irakiane ku janë të vendosur trupat e koalicionit në Bagdad dhe Balad”, tha zëdhënësi i koalicioni, koloneli, Myles B. Caggins III.
Uashingtoni e fajëson Iranin se ka orkestruar sulmet ndaj SHBA-së, përfshirë edhe sulmin ndaj ambasadës amerikane në Bagdad më 31 dhjetor.
