Sipas Indeksit të Shteteve të Brishta për 2019, kryer nga Fondi për Paqe, rezultatet bazohen duke u bërë matjet sipas disa treguesve, si më poshtë: Presionet Demografike, Niveli i Refugjatëve, Zhvillimi ekonomik, Tensione dhe dhunë, Të drejtat e njeriut, Varfëria, Forcimi i shtetit, Shërbimet Publike dhe Funksionimi i ligjit.
Krahasuar me rajonin, Maqedonia e renditur e 111-ta gjendet në të njëjtën zonë risku si ne, Serbia, e 102-ta s janë në zonën e moderuar të riskut, ndërsa stabël. Mali i Zi është në zonë më problematikë, duke u renditur e 125-a, ndërsa Bosnja e Hercegovina, e 86-a surprizon për avancimet që ka pasur.
Shqipëria, e renditur e 121-a, ka perfrormuar më keq, me një pikësim prej 3.1 pikësh, në presionet demografike, tregues që lidhet me rritjen e numrit të azilantëve shqiptarë vitet e fundit. Ndërsa, përmirësime ka parë në rritjen e barazisë së të drejtave të njeriut.
Në zonën e “minuar” vijojnë të mbeten shtete afrikane si Sudani, Afrika Qendrore, Kongo, apo edhe Jemeni, Afganistani, Iraku, Siria. Finlanda vijon të kryesojë listën si vendi më pak i brishtë, ndjekur nga të tjera shtete si Norvegjia, Gjermania, Austria, Kanada etj..
Indeksi i Shteteve të brishta, prodhuar nga Fondi për Paqen, është një mjet kritik për të nxjerrë në pah jo vetëm presionet normale që përjetojnë të gjitha shtetet, por edhe për të identifikuar kur ato presione po e shtyjnë një shtet në prag të dështimit. Duke nënvizuar çështjet përkatëse në shtetet e dobëta dhe të dështuara, Indeksi dhe dhe korniza e shkencave sociale dhe aplikimi i softuerit mbi të cilin është ndërtuar – e bën vlerësimin politik të rrezikut dhe paralajmërimin e hershëm të konfliktit të arritshëm për politikë-bërësit dhe publikun në përgjithësi.
