Letër ambasadorëve (13) FALSIFIKIMI I BIOGRAFIVE – Shkruan: Shefqet DIBRANI

SHTREMBËRIMI DHE FALSIFIKIMI I BIOGRAFIVE

Të nderuar Ambasadorë dhe stafdiplomatik në Kosovë, rreziku nga falsifikimi i biografive është i madh, pavarësisht se bota ka përvoja të mëdha, në vendin tim elita intelektuale, është e izoluar, injoruar dhe mbytur nga injoranca politike. Për fat të keq aspërfaqësuesit evendeve të Bashkimit Evropian dhe përfaqësuesit diplomatik të SHBA-ve, nuk kanë pasur interes për fjalën dhe dijen e tyre. Sot në Kosovë e tërë elita intelektuale dhe njerëzit e ndërgjegjshëm ndjehen se atyre iu ka kthyer shpina, prandaj ne mendojmë se për tu pastruar si duhet sindromi bolshevik në udhëheqjen e tanishme në Kosovë, duhetripërsëritur edhe një tranzicion 20 vjeçar, atëherë kur në pushtet do të vjennjë gjeneratë pa dogmat e së kaluarës dhe pa ndikimet e së tashmes.

Gjithsesi ndryshimet në Kosovë do t’i bëjë një brez tjetëri cili do të ketë qasje evropiane për proceset në Kosovë edhe pa u pajisur me diplomë e certifikatënëpër vendet euro-amerikane.Kjo gjeneratëqë iu fabrikua Kosovës në mënyrë kaq artificiale, bashkë me nomenklaturën e LKJ dhe bijtë e asaj nomenklature,mjaftë e kanë falsifikuar historinë, mjaftë nakanë mashtruar se do ta avancojnë demokracinë, mjaftë na kanë mashtruar se do ta zhvillojnë Kosovën dhe se do ta ruajnë partneritetine përhershëmme vendet e BE-së dhe SHBA-të.Kjo strukturë politike ka falsifikuar gjithçka për të mbetur alternativa e vetme në Kosovë, për ti ndërtuar ata raportet me vendet e BE-së dhe SHBA-të, prandaj me mjeshtri i kanë njollosur biografitë e një elite intelektuale, biografitë e të gjithë atyreqëi kanë kategorizuar për kundërshtar.

Kjo analizë është esenca e problemitme të cilin ballafaqohet Kosova dhe partneret ndërkombëtar, prandaj Amerika dhe vendevetë BE-së, duhet të kenë kujdespër rrezikun e grackës që po e përgatitë doktrina Staliniste, qoftë duke falsifikuarhistorinë ose duke ua njollosur biografitë elitës intelektuale dhe personaliteteve të caktuara, koncept kyideologjik që e pattronditur shekullin e kaluar.

Për të kuptuar nëse ka lidhshmëri taktike, mjafton të shikohet lufta ideologjike në mes Stalinit dhe Trockit, për të kuptuar se si komunistët dhe bijtë e tyre, me të përfunduar Lufta në Kosovë, u shtiren viktima të së majtës ekstreme e cila nga Lufta u kthye fitimtare. Derisa komandantët përvetësuan, jo vetëm meritat e dëshmorëve dheheronjve, por edhe luftën e drejt të UÇK-së, madje edhe meritat e Aleancës e cila ndihmoi dhe sponsorizoi fitoren mbi luftën në Kosovë. Në anën tjetër, nomenklatura e LKJ-së, po sidomos bijtë e tyre, sa mundnin njollosnin biografitë e Komandantëve, (tashmë me bagazhin edhe të krimit ekonomik),në njërën anë, kurse në anën tjetër shantazhonin aq sa mundnin elitën intelektuale për të cilën Bashkësia Ndërkombëtare, nuk tregoi interesim. Përkundrazi janë manifestuarqasjet refuzuese duke mos treguar vullnet për tu takuar, dhe për të dëgjuar mendim ndryshe, përkitazi me ecuritë e proceseve në këtë vend, përplot dogma të së majtës ideologjike!

Pikërisht, strukturaqë priste tortën me duar në xhepa, shtirej se ishteviktimë, pasi ndjehej se po humbte pushtetin nga komandantët e rebeluar. Ky brez ishte i kamur, pasi trashëgonin privilegjet ekonomike, bashkë me përvojën e baballarëve të tyre për t’ua falsifikuar biografitë të gjithë atyre që i konsideronin rival dhe ata të tjerët që i konsideronin intelektual.

Dikush nga këto struktura kanë drejtuar shtypin dhe mediatedhe në kohën e sistemit duke na treguar se “Rruga e Kosovës për në Evropë, kalon nëpër Beograd”?! Çuditërisht  edhe në kohë lufte, të njëjtit kishin vënë kontakte me grupet e armatosura në zonat e luftës. Atje hynin e dilnin pa pengesë, raportonin për vete e për të tjerë, duke thurur plane e duke intriguar procese të dhembshme në favor të një procesi që po përfundonte, por sakaq arritën brenda ditës të rikonfigurohen dhe t’i përshtateshin forcës që triumfonte. Nga kjo që thamë, edhe tash duket si e paqartë se siveprimet e tyre nuk i ndëshkonte askush, sidomos kurakuzonin pushtetin serb, ndonëse më me ëndje kanë intriguarproceset nëpër të cilat kalonte vendi ynë. Këtu nuk kemi pse të mos besojmë, kur vet Sllobodan Millosheviçi në Tribunalin e Hagës, ua zbuloi fytyrën se ishin bashkëpunëtorë të tyre.

Pa dyshim kjo gjeneratë që ishte e indoktrinuar me ideologjinë komuniste të vëllazërim-bashkimit jugosllav, përveç se i përbiruan situatat pa pasoja, me sukses arritën t’i përvetësojnësimpatitë e perëndimorëvedhe në të njëjtën kohë edhe ta fitojnë besueshmërinë e tyre, veçmas të atyre mekanizmave që merreshin ekskluzivisht mehetime për krime dhe me mbikëqyrjen e Kosovës.

Në këtë rrafsh hyjnë përvetësimi i mbikëqyrjes hetuese dhe në shërbimet hulumtuese, ndihmat e fondacioneve perëndimore, pastaj kanë përftuarinfuzione për sforcimin e mediave të tyre private, e në anën tjetër,me dorën e vet, shqiptarët etnik të Kosovës, e shuan gazetën me traditë “RILINDJA”, dhe ndaluan vazhdimësinë e punës së RTP-së, e për paradoks të të gjithave në kapitalin e së cilës e themeluan RTK, në vend se të bëhejnjë lloj transformimi i RTP-së në RTK. Se për çfarë falsifikimi bëhet fjalë për historikun e këtyre dy institucioneve themelore të informimit, mund të flasin përkthyesit dhe ata që kanë raportuar, por që ishte një shkatërrim i fakteve historike, një falsifikim i pashembullt, i traditës, i kulturës, i informimitnuk ka dyshim. Se ndodhte një luftë ideologjike e së majtës komuniste nuk ka dyshim, pasi ajo pjesë që konsiderohej nomenklaturë e sistemit paraprak në emër të privatizimit përftonin miliona, kurse e majta tjetër në emër të Luftës dhe sidomos tëFitores mbi Luftën, arritën të vendosin kontrolledhe mbi shtypin eshkruar, radiot, televizionet deri tek portalet e shumta të internetit. Në këtë degradim të vlerave dhe të falsifikimit historik, mund të futen edhe botimet tjera pa kriter, me vlera minimale dhe me përmirësime të shumta. Gjatë këtyre viteve kem pasur një propagandim kulturor me devijime të mëdha estetike dhe cilësore pasi kjo literaturë që vërshoi ishte jashtë kontrollit, veçmas ai zhanër që përshkruante aspekte historike do të dominohet me ngjarje jashtë kontekstit historik, andaj shumë sish janë radhitur si ngjarje dhe zhvillimetë falsifikuara, glorifikuara dhe të stërlavdëruara.

Në vazhdën e këtyre degradimevemund të shihen të gjitha ngjarjet, siç janë mitingjet, akademitë, përvjetorët, e bashkë me to, të gjitha rekuizitat mbi varre dhe statujat për heronjtë janë të ndikuara nga koncepti i realizmitsovjetik, diku iviteve të 40-ta.Tashmë Kosova po mbulohej me fakte të falsifikuara me ngjarje të shëmtuara, dhe kjo ndodhte e bëhej në sy të aleatëve tanë të cilët ma mirë se sa ne i njihnin ato zhvillime, por çuditërisht nuk ndërhynin, prandaj militantët ideologjik, papengueshëm janë lejuar të veprojnë, të përvetësojnë, të falsifikojnë dhe biografitë ti shtrembërojnë.

Në këtë periudhë në të cilën kanë dominuarantivlerat, janë injoruar luftëtarët dhe heronjtëreal, ashtu siç vepronin të tjerë kundër elitës intelektuale dhekundër patriotëve të vërtetë.Në anën tjetër janë inkurajuar banda, sikurtëishin trajnuar për ide të cilat tashmë kanë prodhuar efektin e vet, prandaj kemi këtë kaos çfarë e kemi.

Pavarësisht rrethanave, askush nuk mundet ta mohoj se paralel së keqesështë rritur e zhvilluar një gjeneratë e cila mund ta ndryshoj Kosovën, por ajo është mbytur nga injoranca, është izoluar dhe përjashtuar, sidomos një luftë shkatërruese e ka bërë një klientelë e cila si falsifikatore e realitetit, po lavdërohen me certifikatat e diplomate marra në vendet me demokraci të konsoliduar, kurse veprimet e tyre ngjasojnë me sjelljet e diktatorëve në vendet komuniste.

IKJA NGA “PAVARËSIA PERSONALE” DREJT “VARËSISË POLITIKE”

Sado që gjërat po lëvizin, proceset po ecin ngadalë, andaj rezultatet janë të pamjaftueshme. Në këtë prizëm i shohim edhe zgjedhjet e tanishme (6 tetor 2019), të cilat u ndikuan ngadisa turbulenca, përkatësishtndodhën disa lëvizje individësh të cilët nga “pavarësiapersonale?!”, shkuan drejt “varësisëpolitike”, ku të bënë me dyshuar për moralin e vrarë që kanë.Kjo klientelë është aktivizuarduke u sistemuar nëpër partitë politike, dhe çuditërisht janë disa të cilët me lehtësi iu kanë përbiruar sistemeve. Të tjerë nën sloganin “Brezi i Republikës”, janë rehabilituarmë mirë, madje me ambicie për ta drejtuar qeverinë, kurse në anën tjetër pëlqehen edhe nga Bashkësia Ndërkombëtare, e cila sikur i konsideron partner pa bërë një Vetting mbi të kaluarën e tyre.

Tashmë shihet se në Kosovë është prodhuar një gjeneratë politike, (pa përjashtim), e orientuar gabimisht, sepse gabimisht kanë qenë të frymëzuar në gënjeshtrat e Stalinit kur fliste për shtetin, por për falsifikimin e historisë janë treguar të shkathët. Kjo ideologji i ka kushtuar botës, vuajtje të llahtarshme dhe likuidime të pashembullta,duke spastruar trurin e kombit. Si duket edhe tek ne, pikërisht kjo metodologjiështëpërvetësuarduke e grabitur “Pushtetin Popullor”, e me të edhe sektorët e rëndësisë së veçantë, pastaj krahas kësaj, edhe pasuritë e shumta për tu bërë të kamur. Në anën tjetër duket se janë marrë edhe me falsifikime të biografive, për t’i eliminuar, izoluar e shantazhuar elitën intelektuale, dhe kjohistorie falsifikuarpo rishkruhejpara syve të ndërkombëtarëve.

Në shkurt të vitit 1956, Hrushovi, në Kongresin e Njëzetë të Partisë Komuniste të Bashkimit Sovjetik para të pranishmëve pranoi pak a shumë se Stalini ishte një vrasës masiv. Ai bënte përpjekjet për të diskredituar secilin intelektual pa pasur asnjë provë, që janë veprime shqetësuese. Edhe në Kosovë, grupe jo aq mirë të organizuara,(pasi nuk kanë as ushtri dhe as polici të tyre),kanë arritur të mbulojnë tërë hapësirën dhe të kontrollojnë secilin që bënë përpjekje për të reformuar rrethin ku ai jeton ose punon.

LUFTA PËR TË SHKATËRRUAR “JETËN E VARROSUR”

Kjo luftë ideologjike e pashpirt ka për qëllimi për të shkatërruar edhe “jetën e varrosur” të Presidentit Historik dr. Ibrahim Rugova. Mënyra e veprimit ështëshqetësuese, për vet faktin se“jetën e jetuar”, ia kanë shkatërruar format primitive të interesit dhe njerëzit primitiv rreth tij. Përsëri, këtë“jetën e varrosur”, po iabënë partia dhe bashkëpunëtoret e tij, të cilët nuk u kujdesen për familjen, pore lanë në mëshirën e grupeve të interesit. Çuditërisht pasardhësit presidencial nuk e nxorën “Ligjin për Presidentin”, i cili do ti rregullonte këto çështje dhe as nuk u krijuan rregulla se si duhet ruajtur, mbrojtur dhe përkujdesur meFamiljen dhe pasardhësit e Presidentit.Përkundrazi, partia e tij ka lejuarpër tu shantazhuar familja, qoftë duke prodhuar skandale të shumta ose duke i privilegjuar në vende të dukshme, vetëm për t’i komprometuar, dhe kjo bëhej për marketing të brendshëm politik.Çuditërisht në zgjedhjet e tashme kjo familje është e përjashtuar jo vetëm nga lista zgjedhore, por edhe nga pjesëmarrjanëpër tubime elektorale. Të tjerë mbllaçitin dhe çirren për dashurinë e tyre që paskan dashur ta kenë me presidentin?! Këto falsifikimedhe këto gënjeshtra duartrokiten në mënyrë patetike dhe askush nuk frikësohet nga Mallkimi Historik?!…

Tashmë po shihet se falsifikimi i biografive dhe shkatërrimi i personaliteteveka marrë përmasa shqetësuese.Turma, e cila nuk seleksionon, tashmëe ka vënë në ballë të proceseve atë kuadrine dështuar nëpër zyrat e presidentëve, të cilët nuk kanë ditur me këshilluar presidentët ose edhe atyre ua kanë falsifikuar të dhënat. Tashmë Kosova është shndërruar në një vend përplot paradokse, pasi askush nuk mundet me e shpjeguar se si kanë mundësi të pretendojnë për drejtimin e shtetit këshilltarët e një presidenti të dështuar, ose ka mundësi ta kenë këshilluar me hile, për ta shantazhuar e pastaj për ta urryer presidentin që e kanë tradhtuar,për ma keq duket se paskan qenë në mision për ta dështuar presidentin, pa u merakosur për proceset dhe përgjithësisht për Kosovën. Shantazhi dhe forma e linçimit, edhe përmes falsifikimit të fakteve dhe biografive është shndërruar në pasion të atyre që qenkan shkolluar në Amerikë?!

Shoqërisë sonë nuk i paskan mjaftuar proceset e dështuara për të bërë reforma, ku të tillët kanë shantazhuar për tu sistemuar nga brenda, nëse edhe atëherë nuk paskan qenë në mision për të mashtruar, dhe çuditërishtnë debatet televizive konsiderohen si rikuperim i raporteve me shefin idhnak, ndërsa analistët heshtin edhe kur i shohin se janë klientelë e klaneve të majta komuniste, që kanë pasur rol dhe mision të caktuar në një kohë të caktuar, për të falsifikuar biografitë e secilit. Këto forma rrënuese jonë me pasoja, pasi nuk bëhet fjala për individët por për personalitetet të shquara me ndikim në rrjedhën e proceseve.

Shoqëria jonë, përkatësisht mediat do të duhej të bënin analiza hulumtuese për të parë se çfarë dhe si paskan këshilluar e udhëhequr ky brez të cilëve për vite me radhë po iu shkojmë pas për tiduartrokitur në mënyrë patetike. Se si kanë arriturpër t’i bërë gjithë këto falsifikime kjo nuk do mend, pasi doktrina e majtë është e njohur për falsifikime të mëdha historike, pastrimin e biografive, dhe etiketimin dhe shantazhimin e të gjithë kundërshtarëve, përkatësisht elitës intelektuale të cilës i frikësohen së tepërmi.

DILEMA PËR FALSIFIKIMIN E BIOGRAFIVE

Natyrisht mbetet për tu hulumtuar mënyra si janë prezantuar përpara Bashkësisë Ndërkombëtare, veçmaspara Amerikës, por diplomacia ndërkombëtare në Kosovë, njeh vende diktatoriale, njeh udhëheqës tradhtar dhe të shitur që iu kanë shkaktuar dëme proceseve të tyre dhe të vendeve të caktuara, andaj një sistemkontrolli(Vetting), është domosdoshmëri e kohës.

Dilema për falsifikime të biografive që i kanë bërë për vete dhe për të tjerët, për çdo ditë bëhet më e madhe. Sidomos kur shohim grupet e njohura kriminale dukefshehin pasuritë e tyre dhe të baballarëve, duke minimizuar referencat për biografitëe tyre, e në anën tjetër shohim se si fabrikojnëgënjeshtra e shantazhojnë intelektualët, dhe pa i pranuar cilësitë e tyre kriminale ata përpiqen për t’i fshehur dhe falsifikuar biografitë e tjerëve. Kjo kohë do të duhej të mbahej mend për “përjashtime dhe ndryshime“, pastaj edhe për mënyrën për ti lustruar “biografitëartistike”.

Nëse shërbimi inteligjenti Amerikës dhe ai i Bashkimit Evropian dëshiron për të ndriçuar këto raste do të ishte mirë për të bërë rishikim në vendet e tyre se si e kanë fituar azilin politike e majta shqiptare, ndërsa në anën tjetër do të ishte mirë të shikohen letrat pse iu kanë mbyllur dyert, dhe pse hezitojnë për tu takuar me elitën intelektualee cila mund të bëjë ndryshime cilësore. Dyshimipër falsifikimine biografive është i mundshëm, momentalisht askushnuk është hetuar në këtë plan, andajështë krijuar kjo mjegull mbi Kosovë!

KUJT TI SHKRUAJM LETËR

Të nderuar Ambasadorë dhe Misione Diplomatike në Kosovë, dilema për falsifikimin e biografivebëhet edhe më shqetësuese kur kuptojmë seAmbasadorët dhe Misionet Diplomatike në Kosovë nuk pranojnë për të dëgjuar një mendim ndryshe karshi atij që e prezantojnë mediat e kontrolluara nga mendësia e sistemit komunist, përkatësisht nga bijtë e atyre etërve që ishin nomenklaturë e dhunës komuniste në Kosovë. Ne nuk e kuptojmë dilemën pse edhe Ambasadorët dhe përfaqësuesit e Misioneve Diplomatike në Kosovë, nuk kanë bërë një hulumtim për të kuptuar se çfarë po ndodh në këtë vend në të cilin po udhëheqin grupe kriminale dhe një klientelë e sofistikuar prapa të cilëve nuk qëndrojnë ushtritë dhe as policitë e armatosura, por efekti mediatik ka krijuar imazhin e të pamundurës.

Kur të kuptojmë se edhe në Kosovë janë falsifikuarbiografitë e elitësintelektuale, pasi atavullnetarisht nuk kanë dashur me qëndruar indiferent ndoshta do të bëhet vonë, por gjendja në të cilën është Kosova na obligon të gjithëve që të ndryshojmë qasjen dhe besimin për ata njerëz të cilët edhe për 20 vjet nuk e ndryshuan vetën, dhe asnuk e ndryshuan për të mirë atdheun e tyre.

Elita intelektuale ka mbetur e izoluar sepse nuk kakujt t’i shkruaj letër, atë nuk e dëgjon askush, as institucionet përkatëse të atdheut, por as Diplomatët Ndërkombëtar të akredituar në Kosovë. Refuzimi i përpjekjeve të intelektualit po has në vesh të shurdhër kudo në atdheun e tyre dhe fatkeqësisht edhe nëpër Ambasadat e vendeve mike dhe aleate. Intelektualit i cili nuk është pjesë e klientelës nuk i epët rasti për të shprehur mendimin e tij ndryshe, as nëpër mediat e kontrolluara nga një klientelë e cila është “shtylla e tretë,nëse jo e para”, e krimit të përgjithshëm në Kosovë.Tashmë nëpër mediat e Kosovës frekuentojnë grupe të interesit,pastaj është krijuar një klientelë e re që po merret me politikë, për të cilën mendohet se po ndryshojnë, por askush nuk ka bërë verifikim se si dhe kushua hapi udhët atij brezi, kurse në anën tjetër shtypen, injorohen dhe izolohen intelektualëte dëshmuar, të cilëve iu pamundësohet angazhimi.

Ne nuk kemi pse të hamendemi kur dihet se edhe kriminelët dhe diktatorët më të njohur kudo në botë janë shkolluar dhe edukuar nëpër universitete të njohura kudo në Evropë dhe në Amerikë, por kur janë kthyer në atdheun e tyre edhe ata janë bërë diktator nga të cilat është lodhur shekulli ynë. Por një gjë është e saktë, elita intelektualepo injorohet kudo në Kosovë. Ajo nëse proteston do të injorohet, do të izolohet dhe askund mendimin e tyre shkencor e kulturor nuk e publikon. Madje as poezitë e kritikat letrare nuk ua botojnë, sepse shtypi dhe mediat janë pjesë e shantazhit të madh antiamerikan, dhe vazhdimisht atakojnë demokracinë të cilëne kultivojnë vendet e Bashkimit Evropian, andaj përmes kësaj letre publike iu bëhet thirrje Aleatëve të Kosovës për të gjetur mundësi dhe mënyra për t’i dëgjuar edhe intelektualët, sidomos ata të cilët kanë bërë përpjekje për vite të tëra për ta ndryshuar Kosovën, dhe vazhdimisht janë penguar, për të mos i shtyrë proceset përpara.

Injorimi që i bëhet elitësintelektuale, nga vet Ambasadat dhe Ambasadorët është me pasoja fatale për të tashmen dhe të ardhmen e proceseve dhe të vet Kosovës, andaj të nderuar ambasadorë gjeni forma dhe mënyra për t’i takuar ata intelektual të cilët për vite të tëra bëjnë përpjekje për t’i ndryshuar proceset dhe për t’i reformuar partitë dhe institucionet e Kosovës. Në fund të fundit, le të mbesin këto letra publike, si thirrje humane në emër të shumë intelektualëve të cilët përbuzen nga grupet e interesit dhe vazhdimisht injorohen edhe nga përfaqësuesit diplomatik të akredituar në Kosovë!

Vijon…

St. Gallen, 27 shtator 2019.

*Sh. Dibrani, është autor i 25 librave të cilët kryesisht i trajtojnë zhvillimet politike në Kosovë. Ai prej më shumë se tre dekadash jeton dhe vepron në Zvicër.