Studiuesit në Zvicër kanë ndërtuar një shtëpi të tërë duke përdorur robotë dhe materiale të shtypura në 3D në atë që ata thonë se është e ardhmja e ndërtimit.
Procesi doli të jetë më i shpejtë, më miqësor ndaj mjedisit dhe më i sigurt se ndërtimi manual. Shtëpia DFAB, e ndërtuar afër Zyrihut, është shtëpia e parë e banueshme që është bërë tërësisht nga metodat e fabrikimit dixhital, thanë krijuesit e saj.
Shtëpia prej 220 metra katrorë është e bërë përmes ligjeve të rrepta të planifikimit zviceran dhe shpresohet se do të frymëzojë të ardhmen e ndërtimit. Një anëtar i ekipit të DFAB, Matthias Kohler tha: Kjo është një mënyrë e re për të parë arkitekturën.
Shtëpia me pamje të çuditshme DFAB përdori 60 përqind më pak çimento sesa një shtëpi e ndërtuar tradicionalisht dhe tavanet e saj ishin bërë me një printer 3D. Korniza e drurit u ndërtua në vend nga robotë dhe muret u krijuan posaçërisht për të qenë sa më efiçentë me energjinë.
Megjithëse robotët që ndërtuan shtëpinë ishin në gjendje ta bënin atë në mënyrë të konsiderueshme më shpejt se njerëzit, fitimet e shpejtësisë ishin dytësore për qëllimin e përgjithshëm të ekipit. Do të duhet të ketë njerëz që të përdorin robotët, dhe të punosh së bashku me makinat e automatizuara mund të jetë më e sigurt se sa të jesh me njerëzit e tjerë.
