Ikea po lançon një sistem të ri mobiljesh robotike të quajtur Rognan, i zhvilluar në bashkëpunim me firmën amerikane të mobiljeve Ori Living.
Njësia e madhe e magazinimit, e kontrolluar nga një touchpad, mund të rrëshqasë nëpër një dhomë për të ndarë një dhomë të vogël në dy hapësira të ndenjes.
Kjo njësi magazinimi përmban një shtrat, tavolinë dhe një divan për njerëzit të cilat mund të nxirren kur është e nevojshme. Sistemi i ri i mobiljeve robotike është projektuar për njerëzit që jetojnë në zonat urbane për të maksimizuar hapsirat e tyre të vogla dhe do të nisë së pari në Hong Kong dhe Japoni në vitin 2020.
Rognan është ndërtuar në platformën robotike të Ori, dhe punon me linjën Platsa të mobiljeve të magazinimit Ikea. Është gjithashtu në përputhje me linjën e kabinetit Tradfri të Ikea dhe garderobës me ndriçim inteligjent të Ikea. Ikea thotë se Rognan mund të sigurojë një hapësirë shtesë prej tetë metra katrorë.
Kjo mund të mos tingëllojë si shumë, por nëse jetoni në një shtëpi të vogël, kjo mund të bëjë diferencën. Në vend që ti bëjmë mobiljet më të vogla, ne transformojmë mobiljet në funksionin që ju nevojitet në atë kohë, tha zhvilluesi i produktit Ikea, Seana Strawn.
Kur fleni, nuk keni nevojë për divanin tuaj, u shpreh ai. Kur përdorni garderobën, nuk keni nevojë për shtratin tuaj, duke synuar të shpjegojë se nëse përpiqemi të organizojmë hapësirën tonë në bazë të funksionit të përdorimit, do të siguronim më shumë hapësirë.
Çmimet për Rognan nuk janë shpallur ende, por shpresojmë se partneriteti i Ikea mund të ulë koston e njësisë dhe ta bëjë atë më të arritshme për ata që vërtetë kanë nevojë për të.
