Portieri italian një vit më parë kaloi nga Juventusi te PSG-ja, duke firmosur një kontratë 1-vjeçare me opsion për rinovimin edhe për një vit. Gjithsesi, duket se klubi parizien nuk pa ndonjë ndryshim në madh në rezultate edhe pse në portë ishte një legjendë e futbollit.
Për këtë arsye, duke parë edhe moshën e Buffon, 41 vjeç, klubi ka vendosur të mos i rinovojë kontratën portierit kampion bote me Italinë. Nga ana tjetër, te PSG-ja do të rikthehet Kevin Trapp, 28 vjeç.
Portieri gjerman është ende në pronësi të PSG-së, që në këtë mënyrë nuk ka nevojë të shpenzojë për të blerë një portier tjetër. Paris Saint Germain do të rikthejë Kevin Trapp, që me fanellën e këtij ekipi ka luajtur 63 ndeshje.
