Fituesi i Eurovision vendoset 50% nga votat e publikut dhe 50% nga një grup profesionistësh të industrisë së muzikës. Sot, faqja zyrtare e festivalit të muzikës publikoi listën me gjithë anëtarët e jurive të të gjithë shteteve pjesëmarrëse. Ja cilët janë pesë anëtarët e jurisë shqiptare.
Gent Rushi, muzikant dhe pedagog, i njohur sidomos për drejtimin artistik të Festivalit Ballkanik të Xhazit.
Eranda Libohova, këngëtare me karrierë shumëvjeçare në muzikë.
Dilan Reka, këngëtar, ish-pjesëmarrës në “X Factor” në Shqipëri.
Julka Gramo, këngëtare dhe moderatore. Aktualisht shërben si drejtoreshë e përgjithshme e NRG Radio.
Anxhela Peristeri, këngëtare dhe autore këngësh. Së fundi, Peristeri realizoi një koncert recital të titulluar “Reflektim.”
Jonida Maliqi, e cila përfaqëson Shqipërinë me këngën “Ktheju tokës,” do të performojë e 14-a në Tel Aviv natën e dytë të festivalit, më 16 maj.