Përbërësit:
2 fileto pule (prijini në rripa prej 2 cm)
Për marinimin:
400 ml qumësht
lëkura e një limoni
1 lugë me fara spec djegës
1 lugë me kripë
Për përzierjen:
150 gr tërshërë, të imët
2 vezë të mesme, të rrahura
½ lugë me fara të specit djegës
kripë
Për servirjen:
Salcë mustarde me mango (sipas preferencës)
Domate qershi
Majdanoz
Përgatitja:
Për marinimin:
Në një tas, shtoni të gjithë përbërësit dhe i përzieni së bashku.
Shtoni copat e pulës dhe lyejini me marinimin e sapo përgatitur.
Lërini të marinohen për të paktën 2 orë ose gjatë natës.
Kur të jenë gati, largojini copat e pulës nga tasi dhe thajini me letra guzhine.
Për përgatitjen:
Fillimisht ngrohni furrën në 200 gradë C.
Do ju duhen 3 tasa. Në tasin e parë shtoni tërshërën. Në tasin e dytë shtoni vezët e rrahura. Në tasin e tretë kombinoni kokosin, farat e specit djegës dhe kripën. Zhysni copat e pulës në tasin e parë dhe mbulojini plotësisht me tërshërë.
Më pas, me marshë i shysni në tasin e dytë ku janë vezët e rrahura. Në fund zhytini në tasin e fundit ku është përzierja e kokosit.
Transferojini copat e pulës në një tepsi ku poshtë keni shtruar letër pjekje (me qëllim që të mos ngjiten). Piqini për 25-30 minuta, derisa të marrin ngjyrë të artë.
Kur të jenë gati shërbejini me salcën e mustardës dhe mangos , domatet qershi dhe majdanozin e prerë hollë.
Ju bëftë mirë!!
