Të hënën (05.11) kancelari austriak, Sebastian Kurz viziton Beogradin, ku ai takohet me presidentin e Serbisë, Aleksandar Vuçiq dhe kryeministren, Ana Brnabic. Një ndër temat kryesore të bisedimeve si në Boegrad edhe në Prishtinë është konflikti mes dy vendeve dhe përpjekjet për normalizimin e marrëdhënieve përmes procesit të dialogut. Temë tjetër është edhe afrimi i këtyre vendeve me BE. Serbia kërkon hapjen e kapitujve të tjerë të negociatave që të çojë sa më shpejt përpara procesin e anëtarësimit. Në mbrëmje Sebastian Kurz shkon drejt Prishtinës.
Në Prishtinë kancelari austrik të martën fillimisht pritet për një vizitë tek trupat austriake të KFOR-it, sipas mediave austriake. Priten takime me presidentin e Kosovës, Hashim Thaçi dhe kryeministrin, Ramush Haradinaj. Edhe në Prishtinë do të luajë rol qendror vazhdimi i dialogut për zgjidhjen e konfliktit mes Serbisë dhe Kosovës. Për Kosovën që pret liberalizimin e vizave me BE, vizita e kancelarit austriak, Sebastian Kurz ka rëndësi të veçantë, pasi Austria mban aktualisht presidencën e radhës në BE.
la(sn,orf)
