Disania është një çrregullim që ende nuk është njohur zyrtarisht në qarqet mjekësore dhe është e lidhur me disa probleme psikologjike si depresioni dhe ankthi.
Njerëzit që vuajnë nga ky çrregullim tregojnë, përveç depresionit dhe ankthit, edhe simptomat e lodhjes kronike, dhe nganjëherë fibromialgia, një çrregullim tek i cili lajmërohet dhimbja në të gjithë trupin.
Janë disa arsye pse nuk mundeni të zgjoheni herët. Natyrisht, njëri prej tyre është se ju keni shkuar për të fjetur vonë dhe ju thjesht nuk keni mjaft gjumë. Tjetra mund të jetë përtacia, pasi që ndoshta nuk jeni tip i mëngjesit dhe zgjoheni ngadalë. Megjithatë, nëse zgjimi në mëngjes është stresues, atëherë është lehtë e mundshme se vuani nga disania.
Nëse dyshoni se keni disania, vizitoni një mjek sepse, nëse injorohet, ky çrregullim mund të kthehet në gjendje kronike. Edhe pse nuk ka ilaç, mjeku juaj mund të jetë në gjendje t’ju ndihmojë të largoni problemet psikiatrike që mund të shkaktojnë çrregullim.
Këshilla se si të rregulloni një humor dhe të jeni optimist
Kur ekuilibri i serotoninës në trup është i çrregulluar, depresioni dhe probleme të tjera të sjelljes dalin në dritë. Serotonina krijohet në tru, në gjëndrën pineale, e cila është quajtur edhe syri i tretë – qendra e shpirtit tonë.
Serotonina është një kimikale neurotransmituese që rregullon veprimet e muskujve, rregullon temperaturën e trupit, oreksin dhe ndjesinë e dhimbjes, dhe menaxhon sjelljen jonë, tensionin e gjakut dhe frymëmarrjen.
Mungesa e saj është përgjegjës për pamundësinë e çlirimit të mendjes nga mendimet negative, për shkak të mungesës së interesit në dashuri dhe seks, dhe mund të jetë fajtor për shkak të të cilit dikë ose diçka nuk mund ta largojmë nga koka.
Duke rritur serotoninën, rritet edhe shkalla e disponimit, por s’do harruar se edhe disponimii mirë është meritor për prodhimin e hormonit të lumturisë në trupin tonë- këto dy gjëra janë të lidhura si rrugë me dy kahe.
Ja se si ju mund të rrisni nivelet e serotoninës në trupin tuaj:
Qëndroni sa më shumë të jetë e mundur në dritë. Më ideale është qëndrimi në diell, por nëse nuk ka diell, shtëpia duhet të ketë ndriçim të mirë, pasi kjo do t’ju bëjë të ndjeheni më mirë.
Sipas disa studimeve, duke kënduar me një grup njerëzish në trup inkurajoni lirimin e hormonit të lumturisë dhe dashurisë – serotonina dhe oksitocina. Nëse nuk keni me kë të këndoni, atëherë këndoni vetëm, për shembull – ndërsa jeni duke bërë dush apo duke gatuar ushqimin tuaj të preferuar dhe sigurisht se do të ndiheni më mirë dhe më të lumtur.
Sa më shumë që jeni në turmë, ju mund të ndani 20 minuta ushtrime çdo ditë nëse dëshironi. Aktiviteti fizik në masë të madhe kontribuon në humor dhe shëndet të mirë në përgjithësi.
Një gjumë kualitativ është i domosdoshëm për prodhimin e një hormoni të lumturisë, andaj kujdesuni se sa dhe si flini. Është e rëndësishme që të pushoni në mënyrë që kjo të funksionojnë si duhet.
Ecja në natyrë në ajër të pastër kontribuon në ndjenjën e relaksimit dhe lumturisë, si dhe shoqërimin me miqtë. Merruni edhe me ndonjë hobi që ju pëlqen, si leximi i ndonjë libri të mirë, dëgjimi i muzikës dhe kushtoni vëmendje sidomos që të konsumoni ushqim të shëndetshëm.
