-Blini- “mbiemri i parë” i gjyshit tim –
Poezi nga Zeqir Lushaj
(Tregim, për një ngjarje reale, në Gri të rrethit të Tropojës, në vitin 1918, për Selman Hasan Matosh Lushaj)
Mundoheshin ata të regjistrimit,
Komisioni shqiptaro-austriak,
Të bindnin gjyshin tim të vjetër,
Çka do t’thoshte, fjala “llagap”. *
Bereqavers prej jush o burra.
E di, ka mundohi për mirë ini,
E pra, llagapin tim shkruanje:
-Shkruanje… -Selman Blini.
-E kan marrë blinin, o Selman,
Foli Ai që shkruente në letër,
Ngrysi vetullat gjyshi çartan:
-At’ fjalë thueja dikuj tjetër.
-Kush more, ma muer Blinin?
Çka je ka thue, o Ti- zotni?
Qetash e lash aty kah’ erdha,
S’mund ta marrin as me ordi.
Merr e jep me gjyshin tim të sertë,
(U shkrinë në gaz me sho-shoqin),
Selman (Blini) i kapte përkrahu:
-Çouni… të dalim e ta shohim.
…!
E pyetën për gruan: -Si e ka emrin?
-Lene at’ punë, pash Zotin-allahile!
(At’herë i luejti gjaku përnjëmend),
-E pra, shkrunje… -I thonë-Karajfile!
…!
Blinin e ndrruen me gysh-gjyshin, *
(Ish rritë në hije të Tij dekada vjet),
Për gjyshe Ajnen muer vesh mileti,
“Karajfilja e Selmanit” emri i mbet.
./.
_______________
*Selmani-Hasani-Matoshi-Lusha = Lushaj
-Marrë nga libri “Duhama e Valbones” i autorit Zeqir Lushaj-