Kushtuar Heroit të Kombit Tahir Sinani
Nga Namik Selmani
Vjen një djalë-o nga Tropoja
E përcjell bar i livadhit
A dëgjon Kosovë me oda
Këta hapa gjenerali?
Po piskon një tungull lodre
Po kërkon një dritë lirie
Dil te pragu, o nanë Loke
Mirë se vjen o trim Malsie!
Po piskon kjo palcë e gurit
Po sterron fusha dhe mali
Skuqet sot pala e flamurit
Ku ka mbetë, Tahir Sinani??
Ndriçon ëndrra për bashkimin
Bash si gurë që gurgullon
Amanetin na zgjon trimin
Na skuq zemrën që xixon.
Gjeneral që na zgjon bririn.
Meritori i lavdisë
U përqaf Drini me Drinin
Zgjohet zë i shqiptarisë.
Gjeneral që sjell vllaznimin
Na rizgjon shkronjën e lashtë
Vit pas viti shqiptarizmi
Të nderon në lapidarë.
Zgjohen plagët që la koha
Thellë varrit ku s’ka tretje.
Për ty koha po rënkoka
Për ty besa flori mbetet.
T’u baftë jeta shtizë bajraku
Në Tropojë e Kumanovë
Sy më sy e krahë pas krahu
Je modeli që mungo…
