Kët poezi të poetit Lulzim Logu – kryetar i Klubit të Shkrimtarëve të Tropojës, autor i disa librave, veprimtar i njohur, mësues i nji dinastie familjare mësuesish, po e botojmë si urim për ditëlindjen e tij në ditën e sodit.
…
Kur dhemb shpirti
Dhe zemra ther’
Ajo shuan zjarr…
…
Kurrë s’jam dehur me verë
Kam zgjuar kujtimet
Rikthyer puthjet…
…
Vera dhe buzët e saj
Ishin shkaku i vetëm
Që nuk pi më…
…
Një gotë verë e kuqe
Përtej syve që presin
Ma kujton kthimin…
…
Kurrë tjetër s’mund
Të jem si atherë me ty
Brenda një shishje verë…
…
Vera mi njom buzët e çara
Ju kthen gjakun e humbur
Puthjeve tua…
…
Përballë teje pi verë
Ta ngjall kujtimin
Në mermer të shkruar…
…
Khajami pinte verë
Esenini gjithashtu
Dhe Safo tërbohej…
…
Lavdi verës së kuqe
Dhe peshkut mbi tjegull
Që harroi të jetojë!…
…
Kur të shkoj nga kjo jetë
Marr me vehte pak verë
Stërpik trishtimin e fundit…
