Jam n’dyshim, jo se po vdesim
Pa dit kush a jena gjall’,
Por se dru që n’botë na mbesim
Krejt si peshku që rri n’zall.
Jam n’dyshim se shqyptarizmi
Ma përpara s’ka me shku,
Se po shifet fanatizmi,
Si shqyptart’ i ka qorru.
Jam n’dyshim tuj pa do krena
Kah na bajn’ që mbas t’i shkojmë,
E të tynve qole t’jena,
E për dam t’atdheut t’punojmë.
Hilë MOSI
(U lind në Shkodër më 1883 dhe vdiq në Tiranë më 1933. Ishte veprimtar i çështjes kombëtare, poet, botues, politikan, ministër i shtetit shqiptar)
