Përbërësit:
3 kokrra vezë
2 gota uji miell
1 filxhan e gjysmë sheqer
50 gram gjalpë
5-6 kokrra mandarina
1 lugë çaji sode për fryerje
1 lugë çaji vanilje
(Forma ëmbëlsirash)
Përgatitja:
Hedhim në një enë vezët dhe sheqerin. I rrahim me mikser derisa të tretet sheqeri. Masa e vezëve do të fryhet. Zbusim pak gjalpin dhe e përziejmë me vezët, i rrahim përsëri së bashku gjalpin dhe vezët.
Pastaj shtojmë miellin, sodën dhe vaniljen. Miellin e hedhim ngadalë dhe e përziejmë. Duhet të kemi kujdes që të mos mbetet asnjë topth mielli i paplasur.
Shtrydhim mandarinat dhe lëngun e hedhim mbi brumë. I trazojmë mirë në mënyrë që lëngu të përhapet njëtrajtësisht. Lëkurat e mandarinave i grijmë imët dhe i shtojmë gjithashtu në brumë.
E vendosim brumin nëpër format e ëmbëlsirave dhe i fusim në furrë. Furra duhet të jetë ngrohur paraprakisht. Pjekja bëhet në 180 gradë për 20-25 minuta.
Kur të piqen nxjerrim nga furra, i lëmë të ftohen dhe pastaj i largojmë nga format dhe janë gati për t`u servirur.
