Protesta të dhunshme shpërthyen në Angli pas sulmit me thika ndaj fëmijëve në një klasë baleti.
Trazirat shpërthyen në qytetin Merseyside para ceremoninë për vajzat e vrara në sulmin tragjik. Protestuesit goditën me mjete të forta policet duke plagosur tetë prej tyre.
Trazirat nisën afër një xhamie dhe sipas policisë u bënë nga persona jashtë qytetit. Policia tha se dhuna besohet të ketë përfshirë mbështetës të Ligës Angleze të Mbrojtjes. Policia tha se personat e dhunshëm po përdornin “vdekjen e tre fëmijëve të vegjël për qëllimet e tyre politike”.
Të martën, Policia e Merseyside tregoi se tre vajza u vranë në një seminar vallëzimi me temën e Taylor Swift, ato ishin 6,8 dhe 9 vjeç.
Dje u zhvillua ceremonia e përcjelljes së tyre ndërsa gjatë gjithë ditës, në internet qarkullonin zëra për një demonstrim të planifikuar pranë një xhamie në rrugën e Shën Lukës.
Rreth orës 19:45, demonstruesit filluan të mblidhen dhe u përfshinë në një përplasje me oficerët e policisë. Gjithashtu është djegur edhe një automjet policie.
Në total, 27 efektivë janë dërguar në spital, dhe 12 janë trajtuar në vendngjarje, tha shërbimi i ambulancës.
Ngjarja morri shkas nga tragjedia e së hënës kur një 17-vjeçar u arrestua si i dyshuar për vrasje dhe tentativë vrasjeje pas sulmit të së hënës.
Në lidhje me situatën e krijuar ka reaguar edhe Keir Starmer, i cili tha se kushdo që shkakton trazira do të përballet me ligjin.