Modelet e frymëmarrjes dhe ndikimet në tru, mund të forcojnë ose dobësojnë fuqitë tona të kujtesës, zbulon një studim i ri.
Frymëmarrja natyrale apo spontane e trupit njihet si aktiviteti medular i frymëmarrjes, kjo sipas qendrës së kontrollit të frymëmarrjes së trurit. Me rëndësi të veçantë janë një grup i vogël neuronesh në atë që njihet si kompleksi Pre-Bötzinger (PreBötC), të cilat qëndrojnë brenda qendrës së kontrollit të frymëmarrjes së trurit.
“Frymëmarrja është një veprim themelor në jetën e gjitarëve”, thotë neuroshkencëtari Nozomu Nakamura, nga Universiteti Mjekësor Hyogo në Japoni. “Megjithëse detajet e funksionit të frymëmarrjes në gjendjet e trurit mbeten të paqarta, studimet e fundit tregojnë se frymëmarrja mund të luajë një rol të rëndësishëm gjatë gjendjeve virtuale të trurit”.
Në këtë studim të ri, shkencëtarët ndërhynë me PreBötC te minjtë e modifikuar gjenetikisht. Ata zbuluan se kur i ndaluan përkohësisht minjtë të merrnin frymë, këta brejtës ishin më pak në gjendje të formonin kujtime të rëndësishme gjatë testeve të njohjes së objekteve dhe frikës.
Për më tepër, ndalesat në frymëmarrje ndikonin në aktivitetin e hipokampusit të trurit (çelës për ruajtjen e kujtesës afatgjatë dhe afatshkurtër) gjatë rikujtimit të kujtesës.
Ne jemi të vetëdijshëm për lidhjet e ndryshme midis frymëmarrjes dhe trurit, mënyra se si ushtrimet e frymëmarrjes mund të na ndihmojnë të qetësohemi, për shembull dhe ekipi që qëndron pas studimit të ri tregon se rregullimi i qëllimshëm i modeleve tona të frymëmarrjes mund të ndihmojë në mënyra të tjera terapeutike.
“Përcaktimi i roleve të detajuara të frymëmarrjes dhe mekanizmave molekularë në tru është subjekt i kërkimeve të ardhshme për të kuptuar efektet e tolerancës ndaj stresit”, thotë Nakamura, shkruan Anabel.
“Mënyra e manipulimit të frymëmarrjes dhe aplikimi i ushtrimeve të frymëmarrjes do të jetë vendimtare për trajtimin dhe terapinë e depresionit dhe çrregullimeve neuropsikiatrike”.