E diel, 22 nëntor 2026

Rubrikat

Mbështet Limit.al

BE: Dënojmë fuqishëm lëvizjen cinike të Rusisë për dhënien fund të marrëveshjes së grurit

Dënojmë fuqishëm lëvizjen cinike të Rusisë për t’i dhënë fund “Iniciativës së grurit përmes Detit të Zi”, pavarësisht përpjekjeve të Kombeve të Bashkuara dhe Turqisë, tha në Twitter Presidentja e Komisionit Evropian, Ursula von der Leyen.

”BE po punon për të garantuar sigurinë ushqimore për njerëzit vulnerabël në mbarë botën”, tha Von der Leyen.

“Korridoret e solidaritetit të BE-së do të vazhdojnë të sjellin produkte agro-ushqimore nga Ukraina në tregjet globale”, shtoi ajo.

Rusia është tërhequr sot nga marrëveshja ndërkombëtare për lejimin e eksporteve të grurit nga Ukraina e shkatërruar nga lufta, dhe do ta rinovojë marrëveshjen vetëm pasi të përmbushen kushtet në lidhje me prodhimin rus, tha një zëdhënës i Kremlinit.

“De facto, marrëveshja e Detit të Zi përfundoi së funksionuari sot”, tha zëdhënësi i Kremlinit Dmitri Peskov.

“Fatkeqësisht, kushtet e marrëveshjes të vendosura nga pala ruse nuk janë zbatuar ende, kështu që vlefshmëria e saj ka skaduar”, sipas Peskov.

“Sapo pala ruse të jetë e kënaqur, Rusia do t’i kthehet menjëherë zbatimit të marrëveshjes”, tha Peskov.

Javët e fundit, Rusia pretendoi se pengesat për eksportet ruse të grurit dhe plehrave kimike nuk ishin hequr.

Të fundit

  1. Muzikë

    Një tjetër shtet tërhiqet nga "Eurovizion 2027" për këtë arsye jo politike
  2. Këngë

    Dua Lipa zbulon shprehjen shqipe që përdorej më shumë në familjen e saj
  3. Shkencë dhe teknologji

    Instagram vjen me një funksion të ri: Përdoruesit mund të modifikojnë Story-t edhe pas publikimit
  4. Opinione

    Trazira në Europë, aty ku Perëndimi i trazuar takohet me Lindjen paqësore
  5. Aktualitet

    Prishtina shtrenjton parkimin, deri në 20 Euro për një ditë në qendër

Më shumë nga Aktualitet