Nga Tyran PRIZREN SPAHIU – Prizren
Retë mbërthyen trupin tim
bardha, të lehta posi vesa e pranverës
në qetësinë mahnitëse të maleve e deteve lundrojmë
lehtësisht dorëzohemi puhizës.
*
Dritëzon horizontin muzgu i mëngjesit
rrezet përqafojnë bukuritë shkëlqyese
shqisat shijojnë lindjen e ditës
shtrihen rrezet posi valët e qeta të detit.
*
Vallëzojmë posi fjollat e deborës
harmonia e puplave te bardha shtrihen mbi bjeshkët
flatrat e shqiponjës mbretërojnë në majet e Ajsbergut
gjërë e gjatë Alpeve shpalosen magjitë e mrekullisë.
*
Ja, shikjoni muzgun e mbrëmjes si deh magjitë
ngjyrat e perëndimit që shkrihen mbi Alpet
jam në parajsën e Bjeshkëve të Bekuara
shoh teksa akullnajat frymëzuese pikturojnë qiellin Shqiptar…
Vargje poetike
UJË BURIMI
