KINË- Platforma kineze e videove Tiktok po teston një chatbot të quajtur Tako që mund të përdoret si një motor kërkimi dhe për navigim Chatbot i ri i AI do të jetë në gjendje të rekomandojë video bazuar në komandat e shkruara të ofruara nga përdoruesi.
Mund të ndryshojë rrënjësisht mënyrën se si përdoruesit e përdorin këtë rrjet social. Përmbajtja e internetit mund të kërkohet duke përdorur komandat e shtypura në dritaren e bisedës. Nuk dihet ende se në cilin model gjuhe bazohet Tako, por të paktët përdorues që e përdorin tashmë thonë se mund t’u përgjigjet një sërë pyetjesh.
Kështu, Tako do të përfshijë gjithashtu sugjerime komandash (instruksione) që përdoruesit do të mund t’i përdorin pa pasur nevojë të shkruajnë manualisht pyetje. Për shembull, pranë një videoje të kurorëzimit të mbretit britanik Charles III, sugjerohet pyetja “Cila është rëndësia e kurorëzimit të mbretit?”.
TikTok ka konfirmuar se chatbot është duke u testuar dhe aktualisht është i disponueshëm vetëm në Filipine. Një test do të pasojë në vende të tjera përpara nisjes zyrtare./Limit.al