Dashi: Nuk ka asgjë që mund ta gëzojë një Dash më shumë se sfidat e përditshme. Janë të parët që hidhen, që nisin një lojë të rrezikshme. E adhurojnë adrenalinën dhe risinë.
Demi: Demi e ka të nevojshme paqen, e dashuron ndjesinë e qetësisë, kohën për të menduar dhe analizuar. Prandaj duan të kenë gjithmonë një axhendë të qëndrueshme, ku të përfshihet patjetër edhe koha e relaksit.
Binjakët: Nëse nuk flasin, Binjakët duan patjetër të lexojnë, shkruajnë mesazhe apo edhe artikuj në blogje. Nuk ka gjë që Binjakët ta shijojnë më shumë se vënia e imagjinatës në lëvizje, kurioziteti dhe ideja se mund të thonë diçka interesante në bisedë.
Gaforrja: Gaforret nuk duan asgjë më shumë në botë se ndjesia se dikush i çmon, i do, kujdeset. Vetë Gaforres i pëlqen t’i ndihmojë të tjerët e të kujdeset për ta, por e kërkon këtë edhe te të tjerët. Gaforrja është shenjë tejet familjare; lumturia e Gaforreve varet nga siguria që i krijohet.
Luani: Nëse komplimentoni një Luan, e keni bërë të lumtur. Luanët e adhurojnë ndjesinë e të qenit “ylli” i situatës, edhe kur janë në prapaskenë. Janë të vetëdijshëm, por e kanë shumë të rëndësishme që edhe të tjerët ta dinë e t’ua thonë sa të mirë janë. Nëse i përkëdhelni në këtë aspekt, do të jenë shumë besnikë e mbrojtës ndaj jush.
Virgjëresha: Virgjëresha ka instiktin e të ndihmuarit të të tjerëve, nuk i thotë kurrë “jo” dikujt që ka nevojë të ndihmohet. Por që të vijojë ta bëjë këtë, duhet t’i vini në dukje inteligjencën, pasi kjo e motivon shumë. Po ashtu, për Virgjëreshat, është shumë e rëndësishme mirënjohja, t’u thoni që janë miq të mirë.
Peshorja: Si një shenjë në kërkim të ekuilibrit, Peshorja nuk e pëlqen sfidën, luftën, kërkon harmoni mes të gjithëve. Nuk është shënjë altruiste, përkundrazi, thellësisht egoiste; nuk mund të ndihet mirë në një ambient jo të qetë.
Akrepi: Shenja më misterioze e horoskopit ndihet mirë dhe e mbrojtur sa më pak gjëra të dihen mbi të. Akrepi mund të ketë frikë nga informacionet që dalin për të, pasi ndihet i ekspozuar ndaj të tjerëve, madje nuk i pëlqen aspak ta kenë në dorë. Nga ana tjetër, për të barazpeshuar jetën e izoluar, do të ketë dikë që t’i besojë e të mund t’ia thotë të gjitha.
Shigjetari: Njihet si shenja më aventuriere. Një Shigjetar do ta gjejë patjetër mënyrën për të eksploruar diçka të re. Edhe nëse nuk udhëton dot, që është pasioni i madh i një Shigjetari, do të kërkojë të rrethohet nga njerëz të rinj interesantë, që të qeshin me shakatë e tij.
Bricjapi: Nëse nuk ia bëni me dije se e respektoni nj? Bricjap, i hiqni një prej gjërave më të rëndësishme të jetës: statusin. Bricjapi jeton për statusin dhe bën gjithçka që të arrijë aty ku do, ndaj ta respektoni, është më e pakta që mund të bëni.
Ujori: Një Ujor kërkon të jetë ndryshe, unik. Për të është e rëndësishme që të tjerët ta dinë këtë. Ata jetojnë me standardet e veta, pa u ndier të detyruar të jenë pjesë e rrymës. Nga ana tjetër, adhurojnë të bëjnë biseda të thella, mbi aspekte të pamenduara, nga të cilat mund të zbulojnë gjëra të reja dhe mbi të gjitha, të ndihen interesantë.
Peshqit: Kjo shenjë kaq e ndjeshme dhe kaq ëndërrimtare nuk mund ta zhvillojë imagjinatën në mes të zhurmës. Të qenit vetëm është diçka e domosdoshme për ta, sepse duan të mendojnë. Po kështu, vlerësojnë praninë e atyre që i kuptojnë thellë, pa qenë e nevojshme të flasin.